ಅಂತರಾಳದ ಸವಿಗನಸು

ಕನಸಿನ ಮೂಟೆಯಲಿ ,

ಬಂದು ಮರೆಯಾಗುವ ಕಥೆಗಳೆಷ್ಟೋ..

ದೂರದ ಕಡಲನು ಕಂಡು ,

ನಲಿಯುವ ಮನಸೆಷ್ಟೋ..

ಬೆಂಬಿಡದ ಕೆಲಸ ನೆರಳಂತೆ,

ಕಳೆದು ಹೋಗುವ ಸಮಯ ಮಾಯೆಯಂತೆ.

ಓ ಬದುಕೇ.. 

ಆಕಾಶಕ್ಕೊಂದು ಏಣಿ ಇದ್ದರೆ,

ಒಮ್ಮೆ ಹೋಗಿ ಬರಬಹುದಿತ್ತೇ..

ತೇಲುವ ಮೋಡಗಳ ನೋಡಲು .

ಬೆಟ್ಟ ಗುಡ್ಡಗಳ ನಡುವೆ ಮನೆ ಇದ್ದರೆ,

ಕೆಲ ಹೊತ್ತು ವಿಶ್ರಮಿಸಲು .

ಸಾಗರದಾಚೆ ಒಂದು ಗೂಡು ಇದ್ದರೆ, 

ಅಲೆಗಳ ತಂಪಾದ ಸದ್ದಿಗೆ ಕಳೆದುಹೋಗಲು .

ಜೀವನದ ಯಾತ್ರೆಯೊಳು , ಕನಸಿನ ಬುತ್ತಿ

ಸಾಗುತಲಿರುವುದು. ಅದೆಲ್ಲಿ ಸೇರಿ ಮುಟ್ಟುವುದೋ , ಅರಿಯಲಾರೆವು ನಾವು !