Quotes New

Audio

Forum

Read

Contests


Write

Sign in
Wohoo!,
Dear user,
તું કિશા ઠાકુરા ?
તું કિશા ઠાકુરા ?
★★★★★

© Narshih Maheta

Classics

1 Minutes   48    1


Content Ranking

તું કિશા ઠાકુરા ? હું કિશા સેવકા?

જો કર્મચા લેખ ભૂંસ્યા ન જાયે;

મંડળિક હારને માટે મને બહુ દમે,

છબિલા વિના દુઃખ કોને કહાયે ? - તું કિશા. ૧

કો'કહે લંટી કો કહે લોભિયો,

કો કહે તાલકૂટિયો તે ખોટો,

સાર કર માહરી, દીન જાણી જરિ !

હાર આપો કહું નાથ મોટો. - તું કિશા. ૨

બે પાસા સુંદરી, કાંઠે બાંહો ધરી,

કેશવા ! કીર્તન એમ હોયે,

અજ્ઞાન લોક તે અશુભ વાણી વદે,

પૂર્ણ જે ભક્ત તે પ્રેમ જોયે. - તું કિશા. ૩

જહીં મહાદેવજીએ પૂર્ણ કૃપા કરી,

તહીંનો મેં લક્ષ્મીનાથ ગાયો,

મામેરા વેળા લાજજાતી હૂતી,

ગરૂડ મેલીને તું ચરણે ધાયો. - તું કિશા. ૪

મુંને વેવાઈએ અતિશય વગોવિયો,

ઉષ્ણ જળ મૂકીને હાસ કીધું,

દ્વાદ્રશ મેઘ ! તેં મોકલ્યા શ્રીહરિ !

આપણા દાસને માન લીધું. - તું કિશા. ૫

સોરઠ મંહે મુંને સહુએ સાચો કહ્યો,

પુત્રીને મામેરું વારુ કીધું,

નાગરી નાતમાં ઈંડું અડાવિયું;

નરસૈયાને અભેદાન દીધું. - તું કિશા. ૬

કિશા ઠાકુરા મહાદેવજી પુત્રી સોરઠ માન મામેરું નરસૈંયો નરસિંહ મહેતા old classic

Rate the content


Originality
Flow
Language
Cover design

Comments

Post

Some text some message..