નથી શકાતો

સાથ છોડીને પણ, સંબંધ તોડી નથી શકાતો,

વિતેલા સમયને, ફરીથી જીવી નથી શકાતો !

જખ્મ ઊંડો અપાય છે, જ્યારે અંગત દ્વારા,

ચહેરો એ જીવનભર ભૂલી નથી શકાતો !

ચડાવઉતાર માનવીને, જીવતાં રાખે છે, હંમેશ,

ધડકે ના હૃદય તો, માણસ જીવંત કહી નથી  શકાતો !

ખૂંચે છે આંખોમાં ક્યારેક, કસ્તર બનીને કોઈ,

આંસુઓનો દરિયો, ત્યારે રોકી નથી શકાતો !

ખરે છે, દરેક પાંદડા પાનખરમાં, પીળા બનીને,

વૃક્ષનો સંબંધ પર્ણ સાથે તોય, તોડી નથી શકાતો !

કોઈકવાર 'ચાહત'માં, ઘવાય છે નાજુક દિલ,

પ્રેમ નો નાતો તોય, હૃદયથી તોડી નથી શકાતો !