ના બને
ના બને
જીંદગી ફકત રૂપિયાની સફર ના બને,
તેમાં ફકત પૈસા જ દિલબર ના બને,
ઘણું છે જીવવા જેવું અહીંયા પણ,
ફકત કોઈ પૈસાથી પગભર ના બને,
મિત્રતા જીવવા ને માણવાં જેવી ખરી,
નવ રત્નો વગર કોઈ અકબર ના બને,
પ્રેમ તો ગુરુ અને શિષ્યનો પણ ખરો જ,
કેલેસ્થીનીસ વગર કોઈ સિકંદર ના બને,
પરમાત્માની પણ પરવાનગી હોવી જોઈએ,
આ જગમાં કોઈ એમનેમ પયગંબર ના બને,
મળેલ પ્રેમ કુદરતનો ના ભૂલીએ કદીએ,
બાકી પિંજરમાં હૈયા કેરો સમંદર ના બને.