Participate in 31 Days : 31 Writing Prompts Season 3 contest and win a chance to get your ebook published
Participate in 31 Days : 31 Writing Prompts Season 3 contest and win a chance to get your ebook published

Parameswar Ojha

Inspirational


3  

Parameswar Ojha

Inspirational


ପ୍ରଥମେ ତୁମେ

ପ୍ରଥମେ ତୁମେ

2 mins 157 2 mins 157


ସକାଳର ଚାହା ବି ତାକୁ ଅପେକ୍ଷା ନକରି ଥଣ୍ଡା ହୋଇଯାଏ । ବିନୟଙ୍କ ପାଇଁ ସକାଳ ଆଠଟା ସୁଦ୍ଧା ଖାଇବା ପ୍ରସ୍ତୁତ କରିବାକୁ ପଡେ । ଝିଅ ଲୁନି ପାଇଁ ବି ଟିଫିନ୍ ପ୍ରସ୍ତୁତ କରି ତାକୁ ସ୍କୁଲ ଅଟୋରେ ବସେଇ ବାକୁ ପଡେ । ଶାଶୁ ଶ୍ୱଶୁର ଙ୍କୁ ମୋଡା ଘସା ଆଉ ତା ଜଳଖିଆ ଏସବୁ ଅଛି । ପୁଣି ବିନୟ ଅଫିସ୍ ଗଲା ପରେ ରୋଷେଇ ବାସ ଝିନଝଟ ଲାଗିରହେ । ସେ ସକାଳ ଖାଇବା ଖାଉ ଖାଉ କେତେବେଳେ ଏଗାର ତ କେତେବେଳେ ବାର ।

ଆଉ କେତେବେଳେ ସକାଳ ଖାଇବାକୁ ଏକାଥରେ ଖରାବେଳ ଖାଇବା କରିଦିଏ ପୁଷ୍ପା ।

ସେଦିନ ବିନୟ ଖୁବ୍ ଶୀଘ୍ର ଅଫିସରୁ ଫେରି ଆସିଥାନ୍ତି । ପୁଷ୍ପା ରାତି ଖାଇବା ଟେବୁଲ ଉପରେ ସଜାଡୁ ଥାଏ । ସମସ୍ତଙ୍କ ପାଇଁ ବାଢ଼ି ଦେଇ ନିଜ ପାଇଁ ପଛ ପଛ ହେଉଥାଏ । ବିନୟ ପୁଷ୍ପାକୁ ଧରି ଆଣି ଟେବୁଲ୍ ଉପରେ ବସେଇ ଦେଇ କହିଲେ " ତମେ ଆଜି ଆମ ସହ ଖାଇବ "

ପୁଷ୍ପାକୁ କଥାଟା ଟିକେ ଅସହଜ ଲାଗୁଥାଏ । ଏ କଣ କରୁଛନ୍ତି ବିନୟ, ବାପା ବୋଉଙ୍କ ସାମ୍ନାରେ ! ସେ ସେଠାରୁ ଉଠି ଯାଉ ଯାଉ କହିଲେ, ଖାଇବା ଥଣ୍ଡା ହେଉଛି ପରା, ଇଏ କି ପିଲାଳିଆମୀ ?

ବିନୟ ପୁଷ୍ପା ହାତ ଧରି ଅଟକାଇ ଦେଲେ " ତୁମେ ସବୁଦିନେ ଆମ ପଛରେ ଥଣ୍ଡା ଖାଇବା ଖାଉଛ, ଆମେ ସମସ୍ତେ ଏକା ସାଙ୍ଗେ ଗରମ ଖାଇବା ଖାଇଲେ କଣ ହେବନି ?

ଶାଶୁ ଶ୍ୱଶୁର ବି ପୁଅ କଥାରେ ଖୁସି ହେଲେ ବହୁତ ।

ବିନୟଙ୍କ ଏତିକି କଥାରେ ପୁଷ୍ପାଙ୍କ ଛାତି ଓଦା ହୋଇଗଲା ଏକଦମ୍ ।


- " ଠିକ୍ ଅଛି ମୁଁ ତମମାନଙ୍କ ସହ ଖାଇବି । ଦିଅ ମୁଁ ଖାଇବା ବାଢ଼ି ଦିଏ ଆଗ "

ବିନୟ କହିଲେ " ନାଇଁ ତମେ ବାଢନି ମୋତେ ଦିଅ ଆଜି ମୁଁ ବାଢ଼ି ଦେଉଛି "

ବିନୟ ଖାଇବା ବାଢିଲେ ସମସ୍ତଙ୍କ ଥାଳିରେ । ତାପରେ ପୁଷ୍ପା ଚାହିଁଲା ଶାଶୁ ଶ୍ୱଶୁରଙ୍କ ଆଡେ । ସେ ପ୍ରଥମେ ପାଟିକୁ ନେଲେ ତାପରେ ସେ ଖାଇବ ।

ବିନୟ ରୁଟି ଖଣ୍ଡେ ଛିଡେଇ ଭଜା ସେଥିରେ ଗୁଡେ଼ଇ ଦେଇ ପୁଷ୍ପାର ପାଟିରେ ଦେଉ ଦେଉ କହିଲେ " ସ୍ୟାଡେ ଚାହଁନି, ଏଥର ଏ ଘରେ ଖାଇବା ପ୍ରଥମେ ତୁମେ ଖାଇବ "

ପୁଷ୍ପାର ଆଖିରେ ଲୁହ ଲହଡ଼ି ଭାଙ୍ଗୁଥାଏ ସେତେବେଳେ । ଶାଶୁ ଶ୍ୱଶୁର ସାମ୍ନାରେ ଅଛନ୍ତି, ନହେଲେ ବିନୟଙ୍କ ଏତିକି କଥାରେ ସେ ତାଙ୍କୁ କୁଣ୍ଢେଇ ଧରି ଛୋଟ ପିଲାଙ୍କ ପରି ଭୋ ଭୋ ହୋଇ କାନ୍ଦି ପକେଇଥାନ୍ତେ ।



Rate this content
Log in

More oriya story from Parameswar Ojha

Similar oriya story from Inspirational