Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Mamatamanjari Das

Classics


5.0  

Mamatamanjari Das

Classics


କୁନା ଓଠର ହସ

କୁନା ଓଠର ହସ

2 mins 612 2 mins 612

ସେଦିନ ଥାଏ କୁନାର ଜନ୍ମ ଦିନ । ବହୁତ ଖୁସି ଥାଏ କୁନା । ବଡି ଭୋର ରୁ ଉଠି ମାଆ ଙ୍କ ସହ ମନ୍ଦିର ଯାଇ ଆସିଥାଏ ସେ । ମାଆ ସେଦିନ ଖିରି କରି ନଥାନ୍ତି ଖାଲି ପିଠା ତରକାରୀ କରିଥାନ୍ତି । ଖାଇସାରି ଯାଇ ପଢାଘରେ ବସିଲା । ହେଲେ ସେଦିନ ତାର ପଢ଼ା ରେ ମୋଟେ ମନ ଲାଗୁ ନଥାଏ । ସଂଧ୍ୟା ବେଳେ କେକ୍ କଟା ହେବ , ସାଙ୍ଗ ସାଥୀ ଆସିବେ ସେ ଗୋଟିଏ ପୁଅ ହୋଇ ଥିବାରୁ ପ୍ରତିବର୍ଷ ତାର ଜନ୍ମଦିନ ହୁଏ ,ହେଲେ କେବେ କେକ୍ କଟା ହୁଏନି । ମାଆ କୁହନ୍ତି ଆମେ ତ ହିନ୍ଦୁ ଘର । ଚକୁଳି ପିଠା ଖିରି ହିଁ ଆମ ସଂସ୍କୃତି , ଏ କେକ୍ ରୁ ମିଳୁଛି କଣ ? ଏବର୍ଷ ବି ସେଇଆ କହୁଥିଲେ ହେଲେ ବାପା କହିବାରୁ କେକ୍ ଆସିବ ବୋଲି ସ୍ଥିର ହେଲା । ଏବର୍ଷ ଷୋହଳ ବର୍ଷ ହୋଇଥିବାରୁ ଟିକେ ଧୁମ ଧାମ୍ ରେ ବି ହେଉଛି । ବନ୍ଧୁ ବାନ୍ଧବ ବି ସବୁ ଆସି ଡେରା ପକାଇ ସାରିଲେଣି । ଖାଲି ଯାହା ସାଙ୍ଗ ସାଥୀ ଆସିବା ବାକି ଅଛି ।


ଏମିତି ଭାବନା ଭିତରେ କୁନାକୁ ନିଦ ଲାଗି ଯାଇଛି । ଆଖି ଖୋଲିଲା ବେଳକୁ ଅନ୍ଧାର ମାଡି ଆସିଥାଏ । ଘରର କୋଣ ଅନୁକୋଣ ବି ଆଲୋକ ମାଳାରେ ସଜେଇ ହୋଇ ଯାଇଥାଏ । ସାଙ୍ଗ ସାଥୀ ବି ଧୀରେ ଧୀରେ ପହଞ୍ଚି ବାରେ ଲାଗିଯାଇଥାନ୍ତି । କେକ୍ କଟା ହେଲା ,ନାଚ ଗୀତ ର ଆସର ବି ଜମିଲା । ଖାଇ ପିଇ ଉପହାର ଦେଇ ଅତିଥି ଅଭ୍ୟାଗତ ବି ଫେରି ଯାଇଥାନ୍ତି । ଏତେ ସବୁ ଭିତରେ ବି କୁନାର ଆଖି ଯେପରି କିଛି ଖୋଜିଲା ଭଳି ଲାଗୁଥାଏ । ମୁହଁରେ ବିଷାଦ ର ଛାୟା ।


ମାଆ କିନ୍ତୁ କୁନାର ମନକଥା ଠିକ୍ ଜାଣି ଥାନ୍ତି । ତଥାପି କିଛି ନ ଜାଣିଲା ପରି ଯାଇ କହିଲେ "ଆରେ ବାବା ସମସ୍ତେ ତ ଗଲେଣି ଭାରି ,ଏ ଉପହାର ଗୁଡା ଖୋଲି କି ଦେଖୁନୁ" ।ସେମିତି ରେ ତ କୁନାର ମନ ଦୁଃଖ ଯେ ମାଆ କିଛି ଉପହାର ଦେଇନାହାନ୍ତି ବୋଲି । ରାଗ ଗର ଗର ହୋଇ କହିଲା ମୋର କିଛି ଦରକାର ନାହିଁ ,ତୁମେ ଦେଖ । ମାଆ ସବୁକୁ ଏକାଠି ରଖିବା ପରେ କୁନାର ମୁଣ୍ଡ ପାଖକୁ ସେ ଆଣିଥିବା। ଉପହାର ଟିକୁ ରଖିଦେଇ ଲାଇଟ୍ ଲିଭାଇ ଚାଲିଗଲେ ।


କୁନାକୁ ତ ନିଦ ହେଉ ନଥାଏ । ସେଥିରେ ପୁଣି ମାଆ ତାକୁ ଗେହ୍ଲା ନକରି ଲାଇଟ ଲିଭାଇ ଚାଲିଗଲେ । ରାଗ ଗର ଗର ହୋଇ ଉଠି ପୁଣି ଲାଇଟ ଦେଲା । ଦେଖିଲା ତା ମୁଣ୍ଡ ପାଖ ବେଡରେ କଣ ଗୋଟାଏ ପ୍ୟାକେଜ ଥୁଆ ହୋଇଛି । ତା ଉପରେ ଲେଖା ହୋଇଛି "ତୋ ପାଇଁ" ମନକୁ ମନ କହି ପକାଇଲା ,ସବୁ ରଖିଲେ ଏଇଟା ରଖିପାରିଲେନି ? ଥୋଇ ବାକୁ ଯାଉଥିଲା ଦେଖିଲା ଟେବୁଲ ଉପରେ ଗୋଟେ ଗିନାରେ କଣ ଘୋଡିଆ ହୋଇ ଥୁଆ ହୋଇଛି । ତା ଉପରେ ଗୋଟିଏ କାଗଜରେ ଲେଖା ହୋଇଛି ଖାଇସାରି ପ୍ୟାକେଜ ଖୋଲିବୁ । ଗିନାରୁ ଢାଙ୍କୁଣି ଖୋଲି ଦେଖିଲା ସେଥିରେ ତା ପସନ୍ଦର ମାଆ ଙ୍କ ହାତର ଖିରି ଆଉ ବେସନ ଲଡୁ ହିଁ ଥୁଆ ହୋଇଛି । ଖୁସିରେ ତା ଆଖିରୁ ଗଡିପଡିଲା ଲୁହ ଦୁଇଧାର । ମାଆ ଜାଣିଥିଲେ କୁନା ତାଙ୍କ ହାତ ରନ୍ଧା ଖିରି ଛଡା ଭୋଜି ଖିରି କେବେ ଖାଏନି । ସେଥିପାଇଁ ଏତେ କାମ ଭିତରେ ବି ସେ ଖିରି କରିଛନ୍ତି । ଖୁସିରେ କୁନା ସବୁତକ ଖାଇଦେଲା । ତା ପରେ ପ୍ୟାକେଜ ଖୋଲିଲା । ଆଶ୍ଚର୍ଯ୍ୟ ହୋଇଗଲା କୁନା "ଆରେ ଏଇଟା ତ ଭିଡିଓ ଗେମ୍ ଯୋଉଟା ପାଇଁ ମାଆ ଙ୍କ ପାଖରେ ସେ କେତେ ଅଳି କରିଥିଲା " । ଓଠରେ ତାର ହସର ଜୁଆର କୂଳ ଲଙ୍ଘୁଥିଲା । ଦୌଡି ଯାଇ ମାଆ କୁ କୁଣ୍ଡେଇ ପକାଇଲା ସେ ।



Rate this content
Log in

More oriya story from Mamatamanjari Das

Similar oriya story from Classics