ଜଣେ ବାନର ସେନା ସଂପର୍କରେ...
ଜଣେ ବାନର ସେନା ସଂପର୍କରେ...
ସ୍ୱର୍ଣ୍ଣିମ ଅତୀତ ।
ଭାରତର ସ୍ବାଧୀନତାର
ସୁବର୍ଣ୍ଣ ସେତୁ ନିର୍ମାଣ କ୍ଷେତ୍ରରେ
ପ୍ରାଣପୂତ ଉଦ୍ୟମ କରି ଯାଇଥିବା
ଅନେକ ବାନରସେନା ମାନଙ୍କ ମଧ୍ୟରୁ ଆଜିର ଏହି ଆଲେଖ୍ୟରେ ମୟୂରଭଞ୍ଜ ମାଟିର ଜଣେ ବାନରସେନା ବିଷୟରେ କଥା କିଞ୍ଚିତ ।
ଆଲୋଚନା ର ପ୍ରସଙ୍ଗ ଏଇଠୁ ଆରମ୍ଭ ମୟୂରଭଞ୍ଜ ଜିଲ୍ଲାର ଶ୍ରୀ ଚିନ୍ତାମଣୀ ବ୍ରହ୍ମ,
ପିତା -ସପନି ବ୍ରହ୍ମ, ଗ୍ରାମ-ନଣକୁଆ, ଭାୟା-ମାଣତ୍ରୀ ,ଜିଲ୍ଲା- ମୟୁରଭଞ୍ଜ ବାସ୍ତବରେ ସ୍ୱାଧୀନତା
ସଂଗ୍ରାମର ଇତିହାସରେ ଜଣେ ବାନରସେନା ହିସାବରେ ଏହି ସଂଗ୍ରାମୀ ପୁରୁଷଙ୍କର ତ୍ୟାଗ ଅବିସ୍ମରଣୀୟ । ବ୍ରିଟିଶ୍ ଉପନିବେଶର ଯନ୍ତ୍ରଣାସିକ୍ତ ଜୀବନ
ଧାରା ଭିତରେ ସ୍ବାଧୀନତାର ମହାମନ୍ତ୍ର ଉଚ୍ଚାରଣ କରି ସ୍ବାଧୀନତାର ବାର୍ତ୍ତା କୁ
ଗାଁ -ଗାଁରେ ବୁଲି ସ୍ଲୋଗାନ୍ ଦେଇ ପତାକା
ଧରି ବୁଲୁଥିବା ସମୟରେ ପୁଲିସ ବାହିନୀ ଦ୍ବାରା ତା.୯.୯.୧୯୪୨ରେ ଗିରଫ ହୋଇ ଦୁଇ ମାସ କାରାଦଣ୍ଡ ଭୋଗ କରି ଖଲାସ ହୋଇ ଫେରିବା ପରେ ପୁଣି ପୁଲିସ୍
ବାହିନୀର ପ୍ରତିବାଦ ଓ ବାଧାକୁ ଖାତିର ନକରି ପତାକା ଧରି ଆନ୍ଦୋଳନରେ ଯୋଗ ଦେଲେ ।
ଗାଁ ଗାଁ ବୁଲି ବିଦେଶୀ
ସରକାରଙ୍କ ବିରୁଦ୍ଧରେ ପ୍ରଚାରମାନ କରୁଥିବା ସମୟରେ
ତା. ୨.୬, ୧୯୪୫ ମସିହାରୁ ଗିରଫ ହୋଇ
ତା.୩. ୧୦. ୧୯୪୫ ମସିହା ପର୍ଯ୍ୟନ୍ତ ଜେଲ ଦଣ୍ଡ ଭୋଗିଥିଲେ ।
ଦୁଃଖ-ଦୈନ୍ୟ ସହ ଦେଶମାତୃକାର ସଂଗ୍ରାମ ଆଜିର ପିଢ଼ୀ ପାଇଁ ପ୍ରେରଣା କହିଲେ ଅତ୍ୟୁକ୍ତି ହେବ ନାହିଁ ।
ଏଇ ସଂଗ୍ରାମୀ ପୁରୁଷଙ୍କ ସ୍ବଦେଶ ପ୍ରେମ ବାସ୍ତବିକ ଉଲ୍ଲେଖନୀୟ ଇତିହାସର ଉପେକ୍ଷିତ ଇଲାକା ଭିତରେ
ରହିଯାଇଥିବା ଏହି ସଂଗ୍ରାମୀ ପୁରୁଷ ନିଜେ ଏକ ଇତିହାସ ।