ପ୍ରକୃତିର ମଧୁର ଆଲିଙ୍ଗନ

ପ୍ରକୃତିର ମଧୁର ଆଲିଙ୍ଗନର ଗଭୀରତାରେ ଅନ୍ତହୀନ ଅନନ୍ତ ଦୀଗନ୍ତ -ବିସ୍ତାରୀ ରାସ୍ତା..... 

ବାରିପଦା ଠାରୁ କୁଳିଅଣା ଜାତୀୟ ରାଜପଥର,

ରାସ୍ତା କଡ଼ର ଖୋଲା ଆକାଶର ଦୁଇପାର୍ଶ୍ବରେ  କାଶତଣ୍ଡି ଫୁଲର ସମ୍ଭାର । 

ରାସ୍ତା କଡରେ ଏବେ ଫୁଟିଛି ମାଳମାଳ କାଶତଣ୍ଡୀ ......।

ଆଖି ଯେତେ ଦୂର ପର୍ଯ୍ୟନ୍ତ ବିସ୍ତାର

କରେ ପ୍ରକୃତିର ଚମତ୍କାର ଗଣନା କରୁଥିବା ଏହି 

ଦୃଶ୍ୟ ! ଶସ୍ୟ -ଶ୍ୟାମଳା ଧରଣୀରେ ନିଜ ପତିଆରା ବିସ୍ତାର କରି ନୀଳ ଆକାଶ ତଳେ ସତେ ଯେମିତି ହସୁଛି କାଶତଣ୍ଡୀ ଫୁଲ  । 

ସତେ ଯେମିତି...... 

କାଶତଣ୍ଡି ସୂଚୀତ କରୁଛି  

ଆଉ ଅଳ୍ପଦିନପରେ ଧରାପୃଷ୍ଟକୁ ଓହ୍ଲାଇ ଆସିବେ ଜଗତଜନନୀ 

-ଜଗତ କଲ୍ୟାଣୀ 

-ମା'ଦୁର୍ଗା ।    

ଉଲ୍ଲସିତ ମନ ... 

ମା'ଙ୍କ ଆଗମନର ଆଭାଷ ରେ.... ।

ଆଜି  ଧବଳବର୍ଣ୍ଣା ଧରିତ୍ରୀ 

ନଇପଠା ଠାରୁ ଆରମ୍ଭ କରି ରାସ୍ତାକଡ ପର୍ଯ୍ୟନ୍ତ ସବୁଠି ଭରିଦେଇଛି ସୌନ୍ଦର୍ଯ୍ୟର ଫୁଆରା  ।

ଶୁଭ୍ର ଆକାଶ ତଳେ ନିଜର ପସଲା ମେଲିଛି କାଶତଣ୍ଡୀ। 

ସୁଲୁସୁଲିଆ ପବନରେ ଦୋଳି ଖେଳୁଥିବା କାଶତଣ୍ଡୀକୁ ଦେଖି ବାଟରେ ଯେ କେହି ମଧ୍ୟ ନିଶ୍ଚୟ ଅଟକି ଯିବ ।

ତେବେ ଆସନ୍ତୁ ; କାଶତଣ୍ଡିର ସୌନ୍ଦର୍ଯ୍ୟରେ ଅଭିଭୂତ ହେବା ...

ଆନନ୍ଦିତ ହେବା ....

ପ୍ରକୃତିର ଏହି ଅନନ୍ତ ଗୌରବର 

ସ୍ମାରକ ଠାରେ  ଆତ୍ମବିଭୋର ହେବା ।

 -ମନୋଜ କୁମାର ବେହେରା ,

 ବାରିପଦା,ମୟୂରଭଞ୍ଜ ,ଓଡ଼ିଶା