ବାପା(ନିବେଦିତା ମିଶ୍ର)

ମାନିନୀ ଦଶହରା ପାଇଁ ଡ୍ରେସ କିଣିବାକୁ ଯାଇଥାଏ।ହେଲେ ଡ୍ରେସ ଦୋକାନରେ ପହଞ୍ଚି ସେ ବହୁତ ସମସ୍ଯାରେ ପଡିଗଲା।କାରଣ-ତା'କୁ ଗୋଟେ ଡ୍ରେସ ଭାରି ପସନ୍ଦ ହେଲା।କିନ୍ତୁ ଟିକେ ବେଶୀ ଦାମିକା ଥିବାରୁ କୋଉଟା ନେବ ଭାବି ପାରୁ ନଥାଏ।କାରଣ ଘରେ ସମସ୍ତଙ୍କ ପାଇଁ

ଆଣିବାର ଥାଏ।

ଶେଷରେ ସେ କମଦାମ୍ ର ଡ୍ରେସଟିଏ ଧରି ଘରକୁ ଫେରିଲା।

ତା'ପର ଦିନ ବାପା ଅଫିସରୁ ଫେରି ମାନିନୀ ହାତକୁ

ବ୍ଯାଗଟି ବଢେଇ ଦଉ ଦଉ କହିଲେ ଯେ-ଦେଖିଲୁ ଏଇଟା ତ?

ସେ ସେଥିରେ ଆର ଡ୍ରେସଟି ଦେଖି ଆଶ୍ଚର୍ଯ୍ଯ ହୋଇଗଲା।ବାପା କହିଲେ-କାଲି ମୋ ପାଖରେ ଯଥେଷ୍ଟ ଟଙ୍କା ନ ଥିଲା।ଆଜି ଦଶହରା ବୋନସ୍ ପାଇଲି ତ,ନେଇ ଆସିଲି।ତୁ ଖୁସି ତ ମା?

ମାନିନୀ ଖୁସିରେ କାନ୍ଦି ଚାଲିଥାଏ ଓ ବାପା ତାକୁ କୋଳେଇ ନେଉଥାନ୍ତି।

ସତରେ ବାପାଙ୍କ ପରି କିଏ ହବ?????

ନିବେଦିତା ମିଶ୍ର