ଯେବେ ଆଈକୁ ଚାଳିଶ ହେଲା

ଯେବେ ଆଈକୁ ଚାଳିଶ ହେଲା

ପାଖ ଜିନିଷ ଦେଖା ନଗଲା

କହେ ଅଜାକୁ ଯାଇ ,

ଅଜା ଆଣିଲେ ଚଷମା କିଣି

ଡାକ୍ତରଖାନା ଧାଇଁ ।

ଚଷମା ପିନ୍ଧି ସୁନ୍ଦରୀ ଆଈ

ଆଇନା ଦେଖି ମାରୁଛି ହାଇ

କହୁଛି ମନେ ମନେ ,

ଦିଶୁଛି ରୂପେ ନିଆରା ଯେଣୁ

ହସନ୍ତି ପାଖ ଜନେ।

ଆଈ ଅଜା ମୋବାଇଲ ଆଣି

ଉଠାନ୍ତି ଫଟ ପାଖକୁ ଟାଣି

ଛାଡେ ଷ୍ଟାଟସ୍ କେତେ ,

ଆସେ ଲାଇକ କମେଣ୍ଟ ହଜାର

ଲାଗେ ଆନନ୍ଦ ମୋତେ ।

ଆଈ ଭାବନ୍ତି ଡାକରା ମିଳେ

ଟିଭିରେ ମିଶି ନାଚିବେ କାଳେ

ଅଜା ହୁଅନ୍ତି ଟେରା ,

ନାତି ନାତୁଣୀ କରନ୍ତି ମେଳି

ଆଈ ଯେ ଗୋଟା ହୀରା ।

ଦେଖି ଆଈଙ୍କ ଏମିତି ଗତି

ଅଜା ହସିଣ କହି ଦିଅନ୍ତି

କାହିଁ ଏମିତି ହୁଅ ,

ପଢ଼ିବା ପାଇଁ ଚଷମା ଲୋଡା

ଷ୍ଟାଇଲ ପାଇଁ ନୁହଁ ।