ପ୍ରେମ

କେମିତି ତା ରୂପରେଖ କେମିତି ତା ଭାବ

ସେତ ଅଦ୍ଭୁତ ଅଦେଖା ଶୂନ୍ୟତାର

ଐଶ୍ୱରୀକ ସୁଖ ,

ସେ ଅମୁଲ ନାହିଁ ତା' ତୁଳନା

ପ୍ରେମର ପରିଭାଷା

ହୃଦୟକୁ ଖୋଲିଦେଲେ

ଖାଲି ପ୍ରତାରଣା ନୁହେଁ ଅନେକ ଯାତନା ।

କେମିତି ତା ଉପସ୍ଥିତି କେମିତି ତା କଥା

ସେତ ମିଠା ମିଠା ଅନୁଭୂତି ଜୀବନର

ଅଲୌକିକ ବ୍ୟଥା,

ସେ ବାସ୍ତବ ନୁହେଁ ପ୍ରବଞ୍ଚନା

ପ୍ରେମର ପରିଭାଷା

ଅତୀତକୁ ଜାଲିଦେଲେ

ଖାଲି ମରୀଚିକା ନୁହେଁ ଅନେକ ଯନ୍ତ୍ରଣା ।

କେମିତିକା ଦୁନିଆ ସେ କେମିତି ସୁନ୍ଦର

ସେତ ଅଢେଇ ଅକ୍ଷର ଭାବନାର

ନୈସର୍ଗିକ ସ୍ୱର ,

ସେ ଆମାୟିକ ପ୍ରୀତିର କଳ୍ପନା

ପ୍ରେମର ପରିଭାଷା

ସମ୍ପର୍କକୁ ଭାଙ୍ଗିଦେଲେ

ଖାଲି ସ୍ଥାଣୁତା ନୁହେଁ ଅନେକ ଲାଞ୍ଛନା ।

ବାଲ୍ୟମ୍ବା, ଢେଙ୍କାନାଳ

ଦୂରଭାଷା:୯୪୩୮୧୧୪୩୬୮