କାକର

ହୃଦୟର ପ୍ରାଣ ପ୍ରିୟା

ହସି ହସାଇ ମୋତି ଝରିପଡ଼େ

ଲାଗେ ମିଠା ,ଭିଜି ଗଲାଣି ମୋ ଅବୟବ

କାକର ବିନ୍ଦିରେ ପରା ,

ଥରିଯାଏ ଆଖିର ଭୁର୍ଲତା

ଲାଜେ ଛୁଇଁବାକୁ ଓଠ

ଲାଗେ ତେଣୁ ମୋ ଚାରିପାଖ ପୃଥିବୀଟା

ଖାସ ତୁମପାଇଁ ନିଆରା ନିଆରା |

ଗଭାରେ ସାଉଁଳେ ହଜାରେ

ଗଙ୍ଗଶିଉଳିର ଭାର

ଦେହତ ଯାଉଛି ଜଳି ଲଗାନି ଆଉ ବଞ୍ଚିବାକୁ

ବାହ୍ୟ କାକରୁ ନିଶୀଥେ ଏ ଧୁନି ,

ପାଖକୁ ଆସ ଆହୁରି ନିରୀକ୍ଷି ଦୂରତା ନମାପି

ଭାସୁଛି କୁହୁଡିରରେ ସମ୍ପର୍କ ଆମ

ଖାଲି ସୁନ୍ଦର ସ୍ୱପ୍ନିଳ ଏମନେ

ଶୋଭା ଦିଶୁନି ମୁଖର ଆଭା

ବୟସର ସ୍ଵଛ ଆଇନାରେ

କେମିତି ଆଙ୍କିବି ପ୍ରତି ଅଙ୍ଗେ ଅଙ୍ଗେ

ଘନ ପ୍ରତୀକ୍ଷାର ଅମୃତ ଚୁମ୍ବନ |

ଏଠି ସମୟ ଛୋଟ

ସ୍ଵପ୍ନମାନେ କାହାଣୀ ହୋଇ

ରାତିରେ ହଜନ୍ତି ଅନେକ ,

ଲମ୍ବା ପଣତ କାନି ଆକାଶର

ଭାରି ଭଲ ଲାଗେବୋଲି

ଦେଖିବାକୁ ସ୍ଵପ୍ନ ଆଙ୍କିବାକୁ ନୂଆ ଭାବନାର

ଗୋଟେ ଉଷୁମ ସଉକ ,

ତୁମ ସହ ସ୍ମୃତି ବାଣ୍ଟୁ ବାଣ୍ଟୁ ସ୍ୱାଗତ କରିବାକୁ

ଗୋଟେ ନୂତନ ଅତିଥି ପାଇଁ

ହେଇ ଦେଖ ଇଶାରା ଦେଲାଣି

ଆମକୁ ଭଲପାଉଥିବା ପ୍ରିୟ ଫୁଲେଇ ବସନ୍ତ |