ଯଦି

ଯଦି,

ସେ ଲୁହ ତୁମର

ବର୍ଷାରେ ଭିଜିବା ଅପେକ୍ଷା

ଲୁହରେ ଭିଜିବା ଭଲ |

ଯଦି,

ସେ ଦୁଃଖ ତୁମର

ଲୁହରେ ଡୁବିବା ଅପେକ୍ଷା

ଦୁଃଖରେ ଡୁବିବା ଭଲ |

ପ୍ରେମରେ ଜଳିବା ଅପେକ୍ଷା

ନିଆଁରେ ଜଳିବା ଭଲ

ଯଦି

ସେ ନିଆଁ ତୁମର |

ଜୀବନ ହାରିବା ଅପେକ୍ଷା

ବିରହରେ ଜୀଇଁବା ଭଲ

ଯଦି

ସେ ବିରହ ତୁମର |

ଏକେଲା ବଞ୍ଚିବା ଅପେକ୍ଷା

ସ୍ମୃତିରେ ବଞ୍ଚିବା ଭଲ

ଯଦି

ସେ ସ୍ମୃତି ତୁମର|

ତୁମ ହାତ ଧରି

ଜୀବନର ରାସ୍ତା ଚାଲିଛି ବୋଲି

ଅନ୍ଧାର ବି ମୋତେ ଲାଗେ ଭଲ

ସଂସାର ମୋତେ ଉପହାସ କଲେ ମଧ୍ୟ

ମୁଁ ତୁମକୁ ପାଏ ଭଲ |

ଏମିତି ଜାଗା ନାହିଁ

ଯେଉଁଠି ତୁମେ ନାହଁ,

ଏମିତି ସ୍ୱପ୍ନ ନାହିଁ

ଏମିତି ଭାବି ନାହିଁ

ଯେଉଁଠି ମୁଁ ତୁମର ନକରେ ମୂଲ|

ତୁମେ ଗୋଟେ ବହୁବର୍ଣ୍ଣା ଉଡ଼ନ୍ତା ଚଢ଼େଇ

ବସନ୍ତର ଉପବନେ ରଙ୍ଗର ଫୁଲ

ଝଲମଲ ସ୍ୱପ୍ନର ସାଗରରେ

ତୁମେ ମୁକ୍ତା ଗୋଟେ ଶାମୁକାର |

ତୁମେ ଗୋଟେ ଅଭିମାନ

ଆଶା ବିଶ୍ୱାସର ସ୍ୱପ୍ନ,

ଶୀତର ଫୁଲଶେଯ, ପ୍ରୀତିର ମହୁ

ବସନ୍ତର ଶୀହରଣ

ମନଭୁଲା ନାନା ବାୟା ଗୀତ

କୋଇଲିର କୁହୁ ତାନ|

ମୋ ଠି କ’ଣ ବା ଅଛି?

ପ୍ରେମଛୁଆଁ ମନ ହୃଦୟ ଛଡା,

ମୋ ଆଖିରେ ସ୍ୱପ୍ନର ଢେଉ

ରାଗ ରୁଷା, ଅଭିମାନ

ହସକାନ୍ଦ ଭରା ପ୍ରେମରେ

ମିଳନର ଆଶା ସବୁବେଳେ ଥାଉ

ତୁମ ମହକରେ ଏମିତି ଜୀବନ ବିତୁଥାଉ |