ଉପଦେଶ

ମନଟି ଆମର ଆନନ୍ଦ ହୁଅଇ ପସନ୍ଦର ଚିଜଥିଲେ,

ଦୁନିଆର ଲୋକେ ଆନନ୍ଦ ହୁଅନ୍ତି ଆମେ ଭଲଲୋକ ହେଲେ ।

ମୋର କିଛି ମୂଲ୍ୟ ନାହିଁ ଏ' ଜଗତେ ଏକଥା ଭାବିବା ନାହିଁ,

ଭାବିବାନି କେବେ ଏଇ ସହରରେ ସର୍ବଶ୍ରେଷ୍ଠ ଲୋକ ମୁହିଁ ।

ଆମେ ମଧ୍ୟ କିଛି କରିପାରୁ ପୁଣି ଜିତିପାରୁ ଅନ୍ୟପରି,

ଏପରି ଭାବନା ରହିଲେ ମଣିଷ ଥିବ ଉଚ୍ଚଆଶା ଧରି ।

ଗୋଟିଏ ମୁହୂର୍ତ୍ତ ଗୋଟିଏ ଘଟଣା ହୋଇପାରେ ଇତିହାସ,

ଏମିତି ବନ୍ଧୁଟି ମିଳିଯାଏ କେବେ ରହିଯାଏ ବର୍ଷବର୍ଷ ।

ବନ୍ଧୁତା ହେଉଛି ବିଜୁଳିର ତାର, ହୃଦୟେ ଜାଳେ ଆଲୋକ,

ଅସାବଧାନତା ହେଳାରେ ସେ ତାର ହୁଏ ପ୍ରାଣର ଘାତକ ।

ହାତେଥିଲେ ଧନ ଗର୍ବରେ ମଣିଷ ଭୁଲିଯାଏ ସଂସାରକୁ,

ଧନହୀନ ହେଲେ ଏ'ସାରା ସଂସାର ଭୁଲିଯାଏ ମଣିଷକୁ ।

ମୁହିଁ ନିଜେ ଜଣେ ଭଲବନ୍ଧୁ ବୋଲି କହି ପାରିବି କି ନାହିଁ,

କହିବି ଆପଣ ଭଲବନ୍ଧୁ ଜଣେ ହୋଇଛନ୍ତି ମୋର ପାଇଁ ।