ତୁମେ

ଅଭିମାନେ ତୁମେ

   ସ୍ୱାଭିମାନେ ତୁମେ

     ଅନୁଭବେ ପୁଣି ତୁମେ

ପୁଲକରେ ତୁମେ

   ଝଲକରେ ତୁମେ

     ତୁମେ ପ୍ରତି ଶିହରଣେ

ପ୍ରତ୍ୟୁଷରେ ତୁମେ

  ପ୍ରଦୋଷରେ ତୁମେ

    ହୃଦୟ କୁଞ୍ଜ କାନନେ

ମଧ୍ୟାହ୍ନରେ ତୁମେ

   ଅପରାହ୍ନେ ତୁମେ

     ସଞ୍ଜ ସଳିତାରେ ତୁମେ

ଶବ୍ଦପୁଞ୍ଜେ ତୁମେ

   ଅକ୍ଷରରେ ତୁମେ

     କାବ୍ୟ କବିତାରେ ତୁମେ

ଉପମାଳଙ୍କାରେ

   ରାଗ ରାଗିଣୀରେ

      ଗୁପ୍ତେ ପ୍ରତିଷ୍ଠିତ ତୁମେ

ପଲ୍ଲବୀତ ତୁମେ

   ପତ୍ରଝଡା ତୁମେ

      ପ୍ରସ୍ପୁଟିତ ଉପବନେ

ଶ୍ରାବଣରେ ତୁମେ

   ନିଦାଘରେ ତୁମେ

     ଆଦ୍ୟ ଆଷାଢ଼ରେ ତୁମେ

ମଧୁର ମହକେ

   ତୁମେ ଭରିଦିଅ

      ମିଠା ମଧୁ ପ୍ରତି ଦୃମେ

ପ୍ରତିଶୃତି ତୁମେ

   ପ୍ରତାରଣା ତୁମେ

     ସମ୍ପର୍କର ଅର୍ଥ ତୁମେ

ଆଲୋକରେ ତୁମେ

    ଅନ୍ଧାରରେ ତୁମେ

      ତୁମେ ପୁଣି ସଙ୍ଗୋପନେ ।