ତୁମେ

ପ୍ରିୟତମା ତୁମେ  ସ୍ୱଚ୍ଛ ସୁନିର୍ମଳ

    ପବିତ୍ର ଜାହ୍ନବୀ ଧାରା,

ମୋ ମନଆକାଶେ ପ୍ରିୟତମା ତୁମେ

    ଧ୍ରୁବ ସମୁଜ୍ଜ୍ୱଳ ତାରା ।

ତୁମେ ଜୀବନର ଶାନ୍ତି ସୁଧା ନୀର

    ପ୍ରଫୁଲ୍ଲ ନୀଳ କମଳ

ଜୀବନ ମରୁ ରେ ପ୍ରଶାନ୍ତି ଉଦ୍ୟାନ

    ତୁମେ ମଳୟ ସମୀର ।

ନୀଳ କଇଁ ସମ ତୁମ ଦୁଇ ଆଖି

    ସପନ ସୁଖ ପସରା

ତୁମରି ପରଶ ସେନେହ ସୋହାଗ

   ସୁବାସ ଚନ୍ଦନ ଭରା ।

କଥା ଦିଅ ପ୍ରିୟା ଏକ ମନ ପ୍ରାଣେ

   ଥିବା ଆମେ ସାଥେ ପାଶେ

ଏ ଭବ ସଂସାର କାଳ ଇହ ପର

   ନ ହେବା ଦୂର ନିମିଷେ ।

ତୁମେ ମୋ ସାହସ ଶକତି ବିଶ୍ୱ।ସ

    ତୁମେ ସାଥୀ ସହଯାତ୍ରୀ

ବାହି ନେବା ଆସ ଆଶାର ନଉକା

    ଧରି ହାତ ବିଭୁ ସ୍ମରି ।