ତୁମେ କିନ୍ତୁ ନ ଥିବ
ତୁମେ କିନ୍ତୁ ନ ଥିବ
1 min
206
ପୃଥିବୀରେ ଯାହା ଘଟୁଛି
ତୁମେ ତାକୁ ଘଟାଉଛ
ପୃଥିବୀର ବିଘଟନ ପାଇଁ
ତୁମେ ହିଁ ଦାୟୀ ।
ପୃଥିବୀର ଅନ୍ଧାର ଓ ଆଲୋକରେ
ତୁମେ ତା'ର ସତ୍ତା ହିଁ ଖୋଜୁଛ
ପୃଥିବୀର ଶୁଷ୍କ ଓ ଆର୍ଦ୍ରତାରେ
ତୁମେ ହିଁ ବଢୁଛ ।
ପୃଥିବୀ ଯାହା ହେଉ ପଛେ
ତୁମର ଯାଏ ଆସେ କେତେ
ତାକୁ ତୁମେ ନିର୍ମମ ଆଘାତ କରୁଛ
ଅନ୍ଧାର ଭିତରେ ତମେ
ଯାହା କରୁଛ
ସବୁ ସେ ଦେଖୁଛି / ସହୁଛି
ଯେହେତୁ
ସେ ମାଆ, ସର୍ବସଂହା, ଧରିତ୍ରୀ
ସବୁ ସହି ଯାଉଛି ।
ଯେଉଁ ଦିନ ବିମୁଖ ହେବ
ସେହିଦିନ ତୁମ ସତ୍ତା ଲିଭିଯିବ
ପ୍ରଳୟ ହୋଇବ
ନୂତନ ସୃଷ୍ଟିଟିଏ ହେବ
ତୁମେ କିନ୍ତୁ ନ ଥିବ ।