ତୁମେ ଗଲାପରେ

ଏକା ଏକା ଲାଗେ ,ଥକ୍କା ଲାଗେ ଭାରି

ତୁମେ ଚାଲିଗଲେ ଦୂରେ

ନିରୋଳା ରେ ବସି ତୁମକଥା ଭାବେ

ସପନର ନଈଧାରେ ।

ଫୁଲ ପରି ତୁମ କଅଁଳ ମନକୁ

ପାରୁନି ବୋଲି ମୁଁ ଛୁଇଁ

ଲାଗୁଛି ଯେମିତି ଜଳୁଛି ଖରାରେ

ଖୋଜିଖୋଜି ଟିକେ ଛାଇ

ନିଦ ଆସୁ ନାହିଁ ରାତି ଯାଏ ପାହି

ମନ କଥା ମନେ ମରେ

ସପନର ନଈଧାରେ ।

ତୁମ ମିଠା କଥା ତୁମ ମିଠା ହସ

ପାରୁନି ଜମା ମୁଁ ଭୁଲି

ତୁମେ ନାହଁ ବୋଲି ମନ ବୁଝୁ ନାହିଁ

ସବୁ ଲାଗେ ଖାଲିଖାଲି

ଲାଗୁଛି ଯେମିତି ବଇଶାଖି ତାତି

କଲବଲ ମୋତେ କରେ

ସପନର ନଈଧାରେ ।