ତୁମେ ନାହଁ ବୋଲି

ତୁମେ ନାହଁ ବୋଲି - କଟୁଛି ସମୟ ନିରୋଳାରେ

ତୁମେ ନାହଁ ବୋଲି - ନୀରବ ନିସ୍ତେଜ ଜୀବନରେ।

ତୁମେ ନାହଁ ବୋଲି - ଆଉ କାହା ହାତ ଧରି ନାହିଁ

ତୁମେ ନାହଁ ବୋଲି - ଆଉ କାହା ସହ ଚାଲୁ ନାହିଁ।

ତୁମେ ନାହଁ ବୋଲି - ହାତ ମୋରୋ ନାହିଁ, କା' ହାତରେ।

ତୁମେ ନାହଁ ବୋଲି - ପାଦ ନ ମିସାଏ କା' ପାଦରେ।

ତୁମେ ନାହଁ ବୋଲି - ଏକା ମୁ ବଞ୍ଚିଛି ଜିବନ ରେ

ତୁମେ ନାହଁ ବୋଲି - ହୃଦୟେ କାହାକୁ ରଖିନି ରେ।

ତୁମେ ନାହଁ ବୋଲି - ସମୟ କାହାକୁ ଦେଇନି ରେ

ତୁମେ ନାହଁ ବୋଲି - ଆଉ କା ' ଆଶ୍ରୟ ଲୋଡ଼ିନିରେ।

ତୁମେ ନାହଁ ବୋଲି - ନୂଆ ସମ୍ପର୍କଟେ ଗଢ଼ି ନାହିଁ କାହା ସହ

ତୁମେ ନାହ ବୋଲି - ଆଉ କାହା ଠାରେ କରିନାହିଁ ଜମା ମୋହ

ତୁମ ବିନା ଏକା ବଞ୍ଚିବା ଶିଖିଛି - ଆଗକୁ ବି ବଞ୍ଚିଯିବି

କଥା ଥିଲା ଦୁଇ ଶରୀର ହେଲେବି ଆତ୍ମା ପରା ଏକ ବୋଲି ।