କଥା ପଦେ
କଥା ପଦେ
କଥା ପଦେ ତୁମ - ଅମୂଲ୍ୟ ସମ୍ପଦ
ସମ୍ପଦେ ଅବା ବିପଦେ ।
କଥା ପଦେ ତୁମ - ହୁଏ ଆଶ୍ଵାସନା
ଯେବେ ରହି ଥାଏ ମୁହି ବିଷାଦେ।୧।
କଥା ପଦେ ତୁମ - ମନ ମୋହିନିଏ
ଜିଁବାକୁ ପ୍ରାଣବାୟୁ ଯେ ସତେ।
କଥା ପଦେ ତୁମ - ଜୀବନର ଶ୍ରେଷ୍ଠ
ଅମୂଲ ତା ମୂଲ ମୋର ଜଗତେ।୨।
କଥା ପଦେ ତୁମ - ଚିରକାଳ ପାଇଁ
ପ୍ରତିଶୃତି ହୋଇ ରହି ଯାଏ।
କଥା ପଦେ - ସେଇ ପ୍ରତିଶୃତି ରୂପେ
ଆଜୀବନ ସାଥେ ଥାଏ।୩।
କଥା ପଦେ ତୁମ - ଚାଲିବା ପଥେ ମୋ
ବଢ଼ିବାକୁ ଶକ୍ତି ଦିଏ ପାଦେ।
କଥା ପଦେ ତୁମ - କୋମଳ ନିର୍ମଳ
ସେନେହର ବନ୍ଧ ସେହି ବାନ୍ଧେ ।୪।
କଥା ପଦେ ତୁମ - ଲୋଡା ଯେ ମୋ ପାଇଁ
ହେଉ ପଛେ ରାଗେ ଅବା ଭାବେ।
କଥା ପଦେ ତୁମ - ତୁମ ଠୁ ନଶୁଣି
ନିର୍ଜୀବ ଏ ଜୀବ ପରିଲାଗେ।୫।
କଥା ପଦେ କୁହ ମାନେ ଅଭିମନେ
ସେତକ ହିଁ ବେଶୀ ପ୍ରିୟ ମତେ।
କଥା ପଦେ ତୁମ ଶୁଣିବା ଆଶାରେ
ରହିଛି ରହିବି ଏହି ଭବେ।୬।
କଥା ପଦେ ତୁମ - ଶୁଣିବା ପାଇଁ କି
ନ ମାନି ମୁ ଗ୍ରୀଷ୍ମ ଝଡି କାଳ।
ଦୂର ଦୁଆରନ୍ତରୁ କେତେ ଯେ ଧାଇଁଛି
ନ'ବିଚାରି ସ୍ଥାନ, କାଳ- ବେଳ।୭।
କଥା ପଦେ ତୁମ - ଶୁଣିବା ପାଇଁ କି
ପାଗଳ ପାରୟେ ହୁଏ।
କଥା ପଦେ ତୁମ - କଣ୍ଠ ଧ୍ଵନୀ ଆଜି
ଭାରି ମନେ ପଡୁ ଥାଏ।୮।
କଥା ପଦେ ତୁମ - ଶୁଣିବା ମୋ ପାଇଁ କି
ସତେ ଅବା ସାତ ସ୍ବପ୍ନ।
କଥା ପଦେ ଅଧେ - ଅବୁଝା କାରଣେ
ସଂପର୍କ ହୋଇଛି ଭଗ୍ନ।୯।
କଥା ପଦେ କେବେ - ହେବାର ଆଶାରେ
ଆଶା ବାନ୍ଧି ଅଛି ମନେ।
କାଳେ କେଉଁ ସ୍ଥାନେ, କେଉଁ ମୁହୂର୍ତରେ
ମିଳିଯିବ ଦିନେ ତୁମେ।୧୦।
କଥା ପଦେ ନୋହି - ସାତ ପର କଲା
ନୀଷ୍ଟୁର ଏ ଅଭିମାନ
ତୁମେ ଆଗ କୁହ - ତାପରେ କହିବି
ଏହି ଭାବେ କଟି ଯାଏ ଦିନ।୧୧।