ତୁମେ ବେଳାଭୂଇଁ

ତୁମେ ବେଳାଭୂଇଁ ବାଲୁକାଶଯ୍ୟା ଲୋ

ମୁଁ ନୀଳ ସାଗର ଢେଉ

ପ୍ରତି ମୂହୂର୍ତ୍ତରେ ତୁମକୁ ଛୁଇଁ ମୁଁ

ଢାଳୁଥାଏ ପ୍ରୀତି ମହୁ ।

ଆଙ୍କି ଦେଉଥାଏ ମଧୁର ଚୁମ୍ବନ

ତୁମ ଗଣ୍ଡଦେଶ ଛୁଇଁ

ମତୁଆଲା ହୁଏ ତୁମରି ପରଶେ

ଭିଜା ଭିଜା ମନ ନେଇ ।

ତୁମପାଇଁ ନିତି ସପନ ସଜାଏ

ମାନେ ନାହିଁ ଦିନ ରାତି

ତୁମରି ସ୍ପର୍ଶରେ ଶିହରି ଉଠେ ମୁଁ

ଚହଲି ଯାଏ ମୋ ଛାତି ।

ମନରେ ତୁମର ଯେତେ ଅବସୋସ

'ଯେତେ ଯେତେ ଅଭିମାନ

ଅତି ଯତନରେ ଲିଭାଇ ଦିଏ ମୁଁ

ତୁମଦେହ ପାଦଚିହ୍ନ ।

ମୋ ସହ ତୁମର ଭାବର ବନ୍ଧନ

ସରଜିଛି ବୋଲି ବିହି

ସେଥିପାଇଁ ସଖୀ ପ୍ରତି ମୂହୂର୍ତ୍ତରେ

ତୁମକୁ ଦିଏ ମୁଁ ଛୁଇଁ ।