ତୁମ ସ୍ମୃତି

ହୃଦୟ ମୋହର ଭାଙ୍ଗିଦେଇ ତୁମେ

ପ୍ରତାରଣା ତୁମେ ଦେଲା ,

ସପନକୁ ମୋର ବିଖଣ୍ଡିତ କରି

ଆଶାକୁ ମୋ ଚୁନା କଲ ।

ଯାତନା ଜ୍ବାଳାରେ ଜଳୁଛି ଆଜି ମୁଁ

ତୁମ ପ୍ରତାରଣା ପାଇ ,

ଦିଗ ହରା ହୋଇ ଘୁରି ବୁଲେ ଆଜି

ତୁମରି ସ୍ମୃତିକୁ ନେଇ ।

ବଞ୍ଚିଛି ଆଜି ମୁଁ ତୁମ ସ୍ମୃତି ପାଇଁ

ଶେଷ ଯାଏ ଝୁରୁଥିବି,

ପ୍ରତାରଣା ତୁମେ ଦେଇଅଛ ବୋଲି

କାହାକୁ ମୁଁ ନ କହିବି ।

କାହିଁ ଗଲ ପ୍ରିୟା ମୋତେ ଛାଡ଼ି ତୁମେ

ଦେଇଗଲ ତୁମେ ଦୁଃଖ,

କାହାକୁ ଆଶରା କରିବି ଯେ ଆଉ

ପାଇବା ପାଇଁକି ସୁଖ ।

ଠାକୁରଙ୍କ ପାଶେ କରୁଅଛି ଅଳି

ଏତିକି ମିନତୀ କରେ ,

ଯେଉଁଠି ବି ଥାଅ ଯେମିତି ବି ଥାଅ

ସଂସାର କର ସୁଖରେ ।