ତୁମ ପ୍ରତୀକ୍ଷାରେ

ପ୍ରତୀକ୍ଷା ତୁମ ପାଇଁ କରିଥିଲି

କିନ୍ତୁ ,

ତୁମେ ଯେ ଫେରି ଚାହିଁ ଲନି

ଦୁହେଁ ମିଶି ଗଢି ଥିବା ସେ ସପନ ଘରେ

ବୁଡ଼ିଆଣି ଜାଲ ବୁଣି ସାରିଲାଣି ।।

ସେ ବାଲିରେ ତୋଳି ଥିବା ଉଆସ

ସମୁଦ୍ର ଧୋଇ ନେଲାନି , 

ମନରେ ଫୁଟି ଉଠିଥିବା ଫୁଲ ଗୁଡ଼ିକ କ୍ରମେ ମଉଳି ଗଲେଣି

ଖୁସି ଝାଉଁଳି ପତ୍ର ଝଡ଼ା ଦେଲାଣି

କିନ୍ତୁ , 

ତୁମେ ଯେ ଫେରି ଚାହିଁ ଲନି ।।

ସର୍ବଦା ତୁମ ପ୍ରତୀକ୍ଷାରତ ମୁଁ

ତୁମେ ଆସିବ ,

ସେ ଜହ୍ନର ଜୋସ୍ନାରେ ଆମ ସ୍ବପ୍ନର ଘରକୁ 

ଆଲୋକିତ କରିବା ପାଇଁ ,

ପୁଣି ନୂଆ ଉଆସଟେ ତୋଳିବା ପାଇଁ

ମଉଳି ଥିବା ଫୁଲ ମଧ୍ୟରେ ଜୀବନ ବିନ୍ଦୁ ଭରିବା ପାଇଁ ।।

ତୁମ ପ୍ରେମର ରଙ୍ଗରେ

ରଙ୍ଗାଇତ କରିବା ପାଇଁ

ପୁଣି ମୋ ଓଠରେ ହସ ,

ଆଖିରେ ଝିଲି ମିଲି ସ୍ବପ୍ନ ସଜେଇବା ପାଇଁ

ତୁମେ ଆସିବ ।