ତୁମ ପ୍ରେମ ମୋ ପାଇଁ......

ତୁମ ପ୍ରେମ 
ମୋ ପାଇଁ 
ଅଧାସରା ମଦିରା ପିଆଲା 
ଭାବେ ସାରିବି ନା ରଖିବି 
ଓଠ ପାଖୁ ଆପେ ଆପେ ହାତ ଫେରିଆସେ 
ଇଚ୍ଛା ହୁଏ ସବୁ ସାରିଦେଇ ମାତାଲ ହବାକୁ 
ପୁଣି ଲୋଭ ହୁଏ କାଳେ ସରିଯିବ 
ତୁମରି ନିଶା ରେ ମୁଁ ଯେ ଝୁମିବାକୁ ଚାହେଁ 
ତୁମ ପ୍ରେମ 
ମୋ ପାଇଁ 
ଶ୍ରlବଣର ଓଦାଓଦା ରାତି 
ଭାବେ ଭିଜିବି ନା ଦେଖିବି 
ଦୁଆରର ଏପାଖରୁ ପାଦ ଫେରିଆସେ 
ଭାବେ ଓଦା ହୋଇ ଭିଜି ଭିଜି ଟିକେ ନାଚିବାକୁ 
ହେଲେ ଭୟ ହୁଏ  କାଳେ ଧୋଇଯିବ
ତୁମରି ରଙ୍ଗ କୁ ମୁଁ ଯେ ବୋଳିବାକୁ ଚାହେଁ 
ତୁମ ପ୍ରେମ
ମୋ ପାଇଁ 
ସଙ୍ଗୀତର ଅଧୁରା ରାଗିଣୀ 
ଭାବେ ଗାଇବି ନା ଶୁଣିବି 
ବାର ବାର ତାଳ ମୋର ଭୁଲ ହେଇଯାଏ 
ଇଚ୍ଛା ହୁଏ ମନ ମୋର ଖୋଲିକି ଗାଇବି 
ହେଲେ ମନେଆସେ କାଳେ କିଏ ଚୋରି କରିନେବ 
ତୁମରି ପ୍ରେମକୁ ମୁଁ ଯେ  ଭୋଗିବାକୁ ଚାହେଁ