ପୁଣିଥରେ ବର୍ଷା..........

ବାହାରେ କାହାର ଏ ଛମ୍ ଛମ୍ ଆବାଜ

ଅନୁଢା କିଶୋରୀର ପାଦର ପାଉଁଜି ପରି

ଝରକା ଖୋଲିଲି

ପୁଣିଥରେ ବର୍ଷା ମୋ ଅଗଣାରେ

ଆଉଥରେ ଖସିଗଲା ଚାବିଟିଏ ମୋ ହାତରୁ

ଖୋଲିଗଲା ମନଗହନର ଗୋପନ ଦୁଆର

ସେଠିଥିଲ ତୁମେ ଆଉ କାଗଜର ଡଙ୍ଗାଟିଏ

ମନରେ ତୁମର ଅନେକ ଭାବନା

ଦରିଆପାରି ର ସଉଦାଗର ପରି

ଅଧୁରାସପନ ନଉକା ବୁକୁରେ

ଉବୁଟୁବ ଓଳିତଳର ପାଣିର ସୁଅରେ

ନାଆଟିକୁ ପଠାଅ ନା

ମୁଁ ଅପେକ୍ଷାରେ

ତୁମ ଅଧୁରା ସପନର ବାକିଅଧକ

ମୋପାଖରେ ଯେ

ସବୁ ଏକାଠି କରି ପୁଣି ପଠାଇଦେବି

ଆଉ ତୁମେ

ସରାଗରେ ନେଇ ଆଖିରେ ଥାପିଦବ

ଦରିଆରେ ଡୁବିବା ଆଗରୁ