ତୁମ ଅପେକ୍ଷାରେ

କୁହ କେତେଦିନ ତୁମେ ଆଉ ଲୁଚକାଳି ଖେଳିବ 

ଜାଣିନ କି  

ମୁଁ ଆଜି ବି ତୁମକୁ ଖୋଜୁଛି 

କେବେ ଆକାଶର ନୀଳିମାରେ 

ତ କେବେ ସାଗରର ଅଶାନ୍ତ ଢେଉରେ 

କେବେ ପିଙ୍ଗଳାର ମନ ନେଇ 

ଜାଣିଛି  ସବୁ କିଛି ତୁମ ଇଛା 

ତଥାପି ବି 

ଜାଣେନା କାହିଁକି ଆଖି ମୋର ତୁମକୁ  

ହିଁ ଚାହେଁ 

ଆସ ଥରେ ଫଗୁଣର ଗୋଧୁଳି ବେଳାରେ 

ଅବା ଶ୍ରାବଣର ନିଶବ୍ଦ ରାତିରେ 

ଅପେକ୍ଷାରେ ମୁଁ 

ଅଜାଡ଼ି ଦେବାକୁ ହୃଦୟର ସମସ୍ତ ଆବେଗ 

କେବେ ତ ଥରେ ଆସ 

ସତରେ ହଉ ଅବା ସପନରେ 

କେବେ ଥରେ ଛୁଇଁଦେଖ  ମୋର କୋମଳ ମନକୁ 

ତୁମ ନିଜକୁ ପାଇବ ଗୋଟେ ସ୍ଵତନ୍ତ୍ର ଜାଗାରେ 

କେଜାଣି କେବେଠୁ ତୁମ ଅପେକ୍ଷାରେ ।