ଲାଇବ୍ରେରୀ
ପ୍ରୋଫାଇଲ୍
ଆଉକେବେ ଏଇମିତି ବର୍ଷା
ଆଉକେବେ ଏଇମିତି ବର୍ଷା
1 min
127
କେଜାଣି କାହିଁକି
ବେଳେବେଳେ ମନ ଏତେ ଆନମନା ହୁଏ
କେହିଜଣେ ଠକ୍ ଠକ୍ କରେ ସେଇ ନିଷିଦ୍ଧ ଇଲାକାକୁ
ଆଉ କେହି ନୀରବରେ ଖୋଲିଦିଏ ଗୋପନ ଦୁଆରକୁ
ସେଇଠି ମୁଁ ଆବିଷ୍କାର କରେ ତୁମକୁ ମୋ ନିଜ ସହ
କେବେ ଝିପିଝିପି ବରଷାରେ
ଦୁହିଁଙ୍କୁ ଦେଖେ ମୁଁ ଗୋଟେ ଛତା ତଳେ
ଆଉ କେବେ ମୂଷଳ ବରଷାର ଧାରାରେ
ଆକାଶର ଛାତ ତଳେ
ବିଲ୍ କୁଲ୍ ଭିଜାଭିଜା ତାଳୁରୁ ତଳିପା ଯାଏଁ
ଆକାଶ ରୁ ଝରୁଥାଏ କଳସି କଳସି ଅମୃତ ଜଳ
ହେଲେ ମୁଁ ଯେ ଅତୃପ୍ତ ପିଆସୀ
ବୋଧହୁଏ ତୁମେ ବି
ଏଇ ଆଉ ଟିକିଏ ରୁହନା
ମୁଁ ଟିକେ ଅନୁଭବ କରେ
ତୁମକୁ ଅତି ନିବିଡ ଭାବରେ
ଭୋଗିନିଏ ମୋ ଭାଗର ପ୍ରେମତକ
ଜଣାନାହିଁ କେବେପୁଣି ଆସିବ ଏଇ ଅବସର
ବୋଧହୁଏ ଆଉଥରେ ଏଇମିତି ବର୍ଷା ହେଲେ
