ତୁମ ନିରବତା
ତୁମ ନିରବତା
କେବେ ହେଉ ଅବା ହେବି ମୁଁ ତୁମର
ଖୋଜେ ମୁଠାଏ ମମତା,
ସ୍ମୃତି ର ଶେଯରୁ ଭିଜି ଭିଜି ଉଠେ
ତୁମ ନୀଳ ନିରବତା l
ମଥାରେ ସିନ୍ଦୁର ହାତେ ପାଣିକାଚ
ମାଖି ପାଦରେ ଅଳତା,
ଚଗଲି ମନଟା ଆସିଣ ସଂଜରେ
ଖୋଜେ ତମ ଗହନତା l
ପାଉଁଜି ମୋହର ସତତ ଚେଷ୍ଟିତ
ଭାଙ୍ଗିବାକୁ ନିରବତା,
ଓଢ଼ଣା ତଳେ ମୋ ସଲ୍ଲଜ ଚାହାଣୀ
ଲୋଡ଼େ ତୁମ ଅତ୍ମୀୟତା l
ଆଖିର କଜ୍ବଳ ଦୁଷ୍ଟାମୀ କରିକି
ହୁଏ ଆଜି ଆଗଭର,
ପ୍ରୀତି ପିଆଲାରେ ଭିଜାଇ ଭାଙ୍ଗିବ
ନିରବତାକୁ ତୁମର l
ନିବିଡ଼ ନୀଳର ନୀରବତା ଆଜି
ସାଜିଛି ଉଛୁଳା ନଈ,
ଫେନୀଳ ଜୁଆରେ ନାଚି ନାଚି ସେତ
ନିରବତା ଦେବ ଧୋଇ ।