ଶେଷ ଫଗୁଣ ଚିଠି
ଶେଷ ଫଗୁଣ ଚିଠି
ଶେଷ ଫଗୁଣକୁ ସାଥୀରେ ଯେ ନେଇ
ଆସିଥିଲା ଚିଠି ଦିନେ,
କଜ୍ଜ୍ୱଳ ଆଖି ମୋ ମନ ମୋହିଦେଲା
କହୁଥିଲା କିଛି କାନେ l
ମୋ ହୃଦ ସ୍ପନ୍ଦନ ବଢ଼ି ଯାଇଥିଲା
ପଢ଼ି ସେ ଅକୁହା କଥା,
ବିଳପିତ ମନ ଉତଫୁଲ୍ଲିତ ହେଲା
ଜାଣି ତା'ର ପ୍ରେମ ଗାଥା l
ଭରି ଯାଉଥିଲା ପ୍ରୀତି ପିଆଲାରେ
ଦେହେ ଅଦିନିଆ ଜ୍ୱର,
ଚପଳ ମନ ମୋ ସପନରେ ଥିଲା
ମନ କିଣି ନିଏ ମୋର l
ଫଗୁଣ ଆସିଲେ ମନେ ପଡେ ସାଥୀ
ଗୋଲାପୀ ବେଳlର ସ୍ମୃତି,
ତୁମ କାନ୍ଧ ପରେ ମଥା ରଖି ଯେବେ
ଦେଖୁଥିଲି ଜହ୍ନ ରାତି l
ଫଗୁଣ ସାଥିରେ ତମେ ଆସ ସାଥୀ
ପ୍ରୀତିର ଜୁଆର ନେଇ,
ପ୍ରେମ ସୁହାଗିନୀ ଚାହିଁ ବସିଥାଏ
ହାତରେ ମେହେନ୍ଦି ନାଇ l
ପୃଥିବୀ ଆକାଶ ପାତାଳ ସବୁ ଯେ
ଲାଗେ ମତେ ଏକାକାର,
ପଳାସ ବଣରୁ ଜହ୍ନ ଵି ହସୁଛି
ଶୁଣି ପ୍ରୀତି ମଖା ସୁର l