କାଗଜଡଙ୍ଗା

କାଗଜ ଡଙ୍ଗାରେ ଯାଆ ଭାସିଯାଆ

    ଆଗକୁ ଆଗକୁ ଯାଆ,

କାର୍ତ୍ତିକ ଆକାଶେ ଜହ୍ନ ସାଥେ ଭାସେ

   ତାରାକୁ ଦେଖି ତୁ ଯାଆ ।

ଶୀତ ନାନୀ ସାଥେ ଭେଟିବୁ ତୁ କେତେ

   କୁଆଁ ତାରା ଆଖି ଠାର,

ଗେଣ୍ଡୁ ଫୁଲ ସାଥେ ସୋରିଷ ଫୁଲ ଯେ

    ସବୁ ହଳଦୀ ରଙ୍ଗର ।

କଳାକାର ସାଜି ଭେଟିବୁ ଯେ କେତେ

    ଚlରୁ ଚିତ୍ର ମୟୀ ରୂପ,

ରଜନୀ ରାଣୀର ଶୀତଳ କିରଣେ

   ଲଭିବୁ ଆତ୍ମ ସ୍ବରୂପ ।

ଶୀତଳ ନୀରର କଅଁଳ ଛୁଆଁରେ

   ମୁରୁକି ହସୁଛୁ କେତେ ,

ରଙ୍ଗ ମୁରୁଜର ଝୋଟି ଚିତା ପରି

  ଦିଗ୍ ବିଦିଗ ହସ ଛୁଟେ l

ତୋହର ଛୁଆଁରେ ସରଣୀରେ ଖେଳେ

   ହୀରା ମୁକୁତା ଝଲକ,

ତୋତେ ଦେଖିଦେଲେ ଚିହ୍ନା ଆଖିରେ ମୋ

  ପଡୁ ନାହିଁରେ ପଲକ ।