ସମ୍ପର୍କ
ସମ୍ପର୍କ
ତୋ ଗାଁ ସୋରିଷ ଫୁଲ ଡାକେ ମତେ
ଦେବାକୁ ହଳଦୀ ପାଟ ,
କେମିତି ଯିବି ମୁଁ ତେର ନଈ ଡେଇଁ
ହୋଇବ ତୋ ସାଥେ ଭେଟ l
ପ୍ରୀତି ମୁହାଣରେ ଭାସୁଛି ଜୀବନ
ସବୁଦିନ ସବୁ ରାତି ,
ଜଉମୁଦ ଦିଆ ଲପାଫାରେ ଲେଖେ
ବିରହ ମନର ଚିଠି l
ତୁମେ ମୋ ବନ୍ଧୁ କି ମୁଁ ତୁମର ବନ୍ଧୁ
ପାରେନି ଲାଜରେ କହି ,
ନଦୀର ତୀରରେ ଚାହିଁ ରହିଥାଏ
ତୁମରି ପଥକୁ ଚାହିଁ l
ମୁଁ ଯେ ସରିତର ବାରିଧାରାଟିଏ
ନଦୀରେ ମିଶିବା ପାଇଁ ,
ଅବିରତେ ସଦା ଝରି ଚାଲିଥାଏ
ଅସରl ପିପାସା ନେଇ l
ସମ୍ପର୍କର ନଦୀ ତୀରେ ବସି ଭାବେ
ଆସିବେ କି ପ୍ରିୟ ମୋର ,
ମୋ କୁଆଁରୀ ମନ ଭିଜି ଯିବ ସତେ
ପାଇ ପରଶ ତାଙ୍କର l