ତୁ ଥିବୁ ମୋ ହୃଦ ସାଥେ

ଭଲ ପାଏ ମାଆର ମୁହଁ

ଝାଳରେ ଟୋପି ଟୋପି

ହସିଲା ଆଖି ଭିତର ସ୍ନେହ

ମମତା ଥୋପି ଥୋପି।

ଯାହା କଥାରେ ଯାଦୁ ଅଛି

ଚୁମାରୁ ମହୁ ଝରେ

ଯା' ଆଶିଷ କୋଟି ଆୟୁଷ 

ସରଗ ଯାର କୋଳେ।

ରୋଗରେ ପଡିଲେ କେବେ

ମନ ରେ ତାର କୋହ

ସବୁ କଥା ଲାଗଇ ତ ପିତା

ଅନବରତ ଝାରେ ଲୁହ।

ନ ଖାଇ ସେ ଖୁଆଏ ମୋତେ

ନ ପିନ୍ଧି ପିନ୍ଧାଇଥାଏ

ସବୁ ଭଲ ମିଳୁ ବୋଲି ମୋତେ

ଚଉରାରେ ଦୀପ ଜାଳେ।

ମୋ ଆଖି ଦେଖି ମୋ ଭିତରକୁ

ସହଜରେ ପଢେ ଯିଏ

ନ ମାଗିବା ପୂର୍ବରୁ ମୋର ଇଛା

ପୂରଣ ସେ କରିଥାଏ।

ସେ ଦେହ ହେଲେ ମୁଁ ତାର ଛାଇ

ସେ ମୋ ଚଳନ୍ତି ଦିଅଁ

ପଡ଼ିଲେ ମାଆ ଉଠିଲେ ମାଆ

ତା ପରି କିଏ ହେବ କୁହ ।

ଭଲ ପାଏ ମାଆ ତୋତେ ଏତେ

ଆକାଶେ ତାରା ଯେତେ

ଯୁଆଡେ ରୁହେ ଯାହା ବି ହୁଏ 

ତୁ ଥିବୁ ମୋ ହୃଦ ସାଥେ।