ତୁ ପୁରୁଷ ତୁ ପ୍ରକୃତି
ତୁ ପୁରୁଷ ତୁ ପ୍ରକୃତି
ଆହା ମୋ କାଳିଆ ହାତୀ
ତୋର ରୂପ ଏମିତି ଲାଗେ ଯେମିତି
ରାଧା ସାଙ୍ଗେ ନିତି ତୋ ଭାବ ପିରତି
ଭକତେ ଦେଖନ୍ତି ମୁହଁକୁ ତୋହର
ବାକି ଅଙ୍ଗ ତୋର ରାଧାଟି
କାଳିଆ ରେ ବାକି ଅଙ୍ଗ ତୋର ରାଧାଟି
ଆହା ମୋ କାଳିଆ ହାତୀ
ରାଧାକୁ ଧରିଛୁ ଜାବୁଡ଼ି ତୁ ଯେ
ମୁହଁ ଲୁଚାଇଛି ସତେ ସେ ଲାଜେ
ରାଧାକୁ ଧରିଛୁ ଜାବୁଡ଼ି ତୁ ଯେ
ମୁହଁ ଲୁଚାଇଛି ସତେ ସେ ଲାଜେ
ସେଥିପାଇଁ ତୋର ମୁହଁ ପରା କଳା
ଧଳା ରଙ୍ଗ ତୋର ଦେହଟି
କାଳିଆରେ ଧଳା ରଙ୍ଗ ତୋର ଦେହଟି
ଆହା ମୋ କାଳିଆ ହାତୀ...
ଜଗନ୍ନାଥ ତୁତ ଜଗତ ନାଥ
ସାରା ଜଗତର ତୁ ପରା ନାଥ
ଜଗନ୍ନାଥ ତୁତ ଜଗତ ନାଥ
ସାରା ଜଗତର ତୁ ପରା ନାଥ
ନାଥ ରୂପରେ ତୁ ପୁରୁଷ ଉତ୍ତମ
ଜଗତ ରୂପେ ତୁତ ପ୍ରକୃତି
କାଳିଆ ରେ ଜଗତ ରୂପେ ତୁତ ପ୍ରକୃତି
ଆହା ମୋ କାଳିଆ ହାତୀ....
ଶାସ୍ତ୍ର ପୁରାଣରେ କଥା ବର୍ଣ୍ଣନ
ତୁ ଯେ ନାରୀ ପୁଣି ତୁ ନାରାୟଣ
ଶାସ୍ତ୍ର ପୁରାଣରେ କଥା ବର୍ଣ୍ଣନ
ତୁ ଯେ ନାରୀ ପୁଣି ତୁ ନାରାୟଣ
ମୂଖ ମଣ୍ଡଳରେ ନର ରୁପ ତୋର
ଦେହ ତୋର ନାରୀ ରୂପଟି
କାଳିଆ ରେ ଦେହ ତୋର ନାରୀ ରୂପଟି
ଆହା ମୋ କାଳିଆ ହାତୀ....
ନିଜେ ତୁ ଦେବକୀ ନିଜେ ତୁ କୃଷ୍ଣ
ନିଜେ କଉଶଲ୍ୟା ତୁ ପୁଣି ରାମ
ନିଜେ ତୁ ଦେବକୀ ନିଜେ ତୁ କୃଷ୍ଣ
ନିଜେ କଉଶଲ୍ୟା ତୁ ପୁଣି ରାମ
ନିଜେ ତୁ ନିଜକୁ ଗଢି ଦାରୁ ଭୂତ
ତୁ ଅଧାଗଢ଼ା ଦିଅଁ ଟି
କାଳିଆ ରେ ତୁ ଅଧାଗଢ଼ା ଦିଅଁ ଟି
ଆହା ମୋ କାଳିଆ ହାତୀ....
ମୁଣ୍ଡରେ ଦେଉତୁ ଟାଣି ଓଢ଼ଣା
ନାକେ ନାକୁଆସି ସେ ନାକ ଗୁଣା
ମୁଣ୍ଡରେ ଦେଉତୁ ଟାଣି ଓଢ଼ଣା
ନାକେ ନାକୁଆସି ସେ ନାକ ଗୁଣା
ବାଙ୍କଚୂଡ଼ ବେଶେ ଜୁଡା ପକାଇ ତୁ
ଦିଶୁରେ ବୋହୁ ପରିଟି
କାଳିଆରେ ଦିଶୁରେ ବୋହୁ ପରିଟି
ଆହା ମୋ କାଳିଆ ହାତୀ....
ପୁରୁଷ ହେଉ ବା ହେଉ ପ୍ରକୃତି
ଦେଖି ତୋର ଅଧା ଗଢା ମୂରତି
ପୁରୁଷ ହେଉ ବା ହେଉ ପ୍ରକୃତି
ଦେଖି ତୋର ଅଧା ଗଢା ମୂରତି
ଧନ୍ୟ ହୋଇଯାଏ ଏ ପାପ ନୟନ
ମିଳଇ ଅପାର ଶାନ୍ତି
କାଳିଆରେ ମିଳଇ ଅପାର ଶାନ୍ତି
ଆହା ମୋ କାଳିଆ ହାତୀ....