ତୁ ନିଜକୁ ଖୋଜିବାରେ ବାହାରି ପଡ଼
ତୁ ନିଜକୁ ଖୋଜିବାରେ ବାହାରି ପଡ଼
ତୁ ନିଜକୁ ଖୋଜିବାରେ ବେସ୍ତ ରହ
କାହିଁକି ଏତେ ଉଦାସ l
ଦୁନିଆଁ ଦେଖିବା ଆବଶ୍ୟକ ନାହିଁ
ଦୃଢ଼ କର ତୋ ସାହସ ll
ତୋତେ ହଜାରେ କହିବେ ଖରାପ ତୁ
କରିବେ ନିନ୍ଦା ଅନେକ l
ଚରିତ୍ର ଯଦି ତ ପବିତ୍ର ତୋହର
ଚାଲ ଟେକି ତ ମସ୍ତକ ll
କଣ୍ଟାତ ପଡିଛି ପଥରେ ଅନେକ
ଗାତ ବି ବହୁତ ଅଛି l
କପଟ ଲୋକ ବି ବହୁତ ଅଛନ୍ତି
ଚିହ୍ନିବାକୁ ବାକି ଅଛି ll
ଖଣ୍ଡାଧାରେ ତୋତେ ଚାଲିବାକୁ ହେବ
ଚାଖଣ୍ଡେ ତ ହାତ ମାପି l
ବିଶ୍ୱାସରେ ବିଷ ଦେବାକୁ ସଭିଏଁ
ରହିଛନ୍ତି ସବୁ ଛପି ll
ଗାତେ ଠେଲିବାକୁ ଅନେକ ଅଛନ୍ତି
ଟେକିବାକୁ କେହି ନାହିଁ l
ଦେଖି ଚାହିଁ ଧନ ଚାଲୁ ଥାରେ ବାଟ
ବିଚଳିତ ହେବୁ ନାହିଁ ll
ନିଜ ଭିତେ ଥିବା ଶକତିକୁ ତୁହି
ଖୋଜିବାକୁ କର ଚେଷ୍ଟା l
ନିଜ ଶକ୍ତି ବଳେ ବଳିୟାନ ହେବୁ
କରିଚାଲ ତୁ ପ୍ରଚେଷ୍ଟା ll