ତୁ ଏମିତି କାହିଁକି କଲୁ
ତୁ ଏମିତି କାହିଁକି କଲୁ
ଯେବେ ତୋତେ ଭଲ ପାଇଲି
ବହି ଅକ୍ଷର ମଧ୍ୟରେ
ଆକାଶ ଜହ୍ନରେ
ପୋଖରୀ କଇଁରେ
ପ୍ରଜାପତି ରଙ୍ଗରେ
କୋଇଲି କୁହୁରେ
କାନ୍ଥ ବାଡ଼ କବାଟ ଝର୍କା ରେ
ଦିଶିଲା ତୋ ମୁହଁ।
ଆଖି ବୁଜିଲେ
ତୁ ବେଶୀ ଦିଶିଲୁ
କାନ ପାଖେ
ତୋ କଥା ଶୁଭିଗଲା
ମୋ ମୁଣ୍ଡ ଘୁରେ
ତଣ୍ଟି ଅଠା ଅଠା।
ଯେବେ ତୋତେ ଭଲ ପାଇଲି
ସବୁ ମୋ ପାଇଁ ଗୋଲ୍ ହେଲା
ମନ ଛକପକ
ହୃଦୟ ସ୍ପନ୍ଦନ ଦ୍ରୁତ
ଏକା ରହିବାକୁ
କବିତା ଲେଖିବାକୁ
ଭଲ ଲାଗିଲା
ଯେତେ ମୋ ନିଜର ତୋ ବିଷୟରେ
ଭଲ ମନ୍ଦ ପଦେ କହିଲେ
ସେ ମୋ ଶତ୍ରୁ ହୋଇଗଲେ।
ତୁ ଏମିତି କାହିଁକି କଲୁ
ମୋତେ ଅଧା ମରା କରିଦେଲୁ ।।