ତୁ ଆଉ ମୁଁ

ତୁ ବସା ଭାଙ୍ଗି ଉଡି ଯାଉଥିବା ଚଢେଇ

ମୁଁ ବସା ବାନ୍ଧିବାକୁ ଯାଉଥିବା ବଢେଇ

ତୁ ବାଟ ଭାଙ୍ଗି ଚାଲି ଯାଉଥିବା ନଈ

ମୁଁ ବାଟ ଚାହିଁ ରହୁଥିବା ବାଟୋଇ

ତୁ କିଛି ମାନୁନଥିବା ଅସାରାଏ ବର୍ଷା 

ମୁଁ କିଛି ଖୋଜୁଥିବା ତୃଷାର୍ତ୍ତର ତୃଷ୍ଣା

ତୁ ନିତି ଦେଖୁଥିବା ଅଜଣା ରାତିର ସ୍ବପ୍ନ 

ମୁଁ ନିତି ଜିଉଁଥିବା ଝଡ଼ ବାତ୍ୟାର ବିପନ୍ନ

ତୁ କହି ପାରୁଥିବା ଅନେକ କାହାଣୀର କଥା 

ମୁଁ କହି ପାରୁନଥିବା ମୋ ଜୀବନର କିଛି ବ୍ୟଥା

ତୁ ସହଜରେ ଧରା ଦେଉନଥିବା ଶାମୁକା 

ମୁଁ ସହଜରେ ଧରା ଦେଉଥିବା ପ୍ରେମିକ

ତୁ ପଢି ପାରୁନଥିବା ଜଟିଳ ପତ୍ରିକା 

ମୁଁ ପଢି ପାରୁଥିବା ସହଜ ସାପ୍ତାହିକ

ତୁ ନିଜ ନାଁକୁ କହି ପାରୁନଥିବା ଝିଅ 

ମୁଁ ନିଜ ନାଁକୁ ନେଇ ଗର୍ବ କରୁଥିବା ପୁଅ