ମଣିଷଟେ

ମୁଁ ମଣିଷଟେ, 

ମୋ ଭିତରେ ଅଛି 

ଅନେକ ଶକ୍ତି,

ମୁଁ ଗଢିଦେଇ ପାରେ 

ରକ୍ତର ପିଣ୍ଡୁଳାରେ 

ଆଉ ଗୋଟେ ମଣିଷକୁ। 

ମୋ ଭିତରେ ଅଛି

 ଅନେକ ଦୀପ୍ତି,

ମୁଁ ଜଳାଇ ଦେଇପାରେ 

ଜ୍ବଳନ୍ତ ଆଲୁଅରେ 

ଅନ୍ୟ ଏକ ବସ୍ତୁକୁ। 

ମୋ ଭିତରେ ଅଛି 

ଅନେକ ଯୁକ୍ତି,

ମୁଁ ନିର୍ଭୟରେ କହିପାରେ

ତର୍କ ବିତର୍କରେ

ଜୀବନର ସତ୍ତାକୁ। 

ମୋ ଭିତରେ ଅଛି 

ଅନେକ ଚୁକ୍ତି,

ମୁଁ ଭାଙ୍ଗି ଦେଇପାରେ 

ଦୃଢ ପଣରେ 

ସବୁ ଅଦୃଶ୍ୟ ଶକ୍ତିକୁ। 

ମୋ ଭିତରେ ଅଛି 

ଅନେକ ରାସ୍ତା,

ମୁଁ ସହଜେ ଯାଇପାରେ 

ମୃତ୍ୟୁର ଦିଗରେ

ଛାଡି ଦେଇ ଏ ଶରୀରକୁ। 

ତଥାପି ଚିତ୍କାର କରି,

ଏ ଦୁନିଆ କୁହେ,

ମୁଁ ଛାର ଗୋଟେ 

ମଣିଷଟେ।