ଟିକିଏ ପ୍ରେମ
ଟିକିଏ ପ୍ରେମ
ପୁରୁଣା ହେଲଣି, ବୟସ ଗଲାଣି
ମୋତେ ଦେଖି କହେ ସିଏ ଖତେଇ,
ଆଉ ତୁ ଦରବୁଢ଼ୀ ହେଇନୁ ବୋଧେଲୋ
ଡେଲି କେତେ ରଙ୍ଗେ ହେଉ ସଜେଇ ।
ହେବିନି ବଣା ମୁଁ କାହାର ଫାଶରେ
ଯେତେ ରଙ୍ଗବତୀ ଆସନ୍ତୁ ଧାଇଁ,
ଯୋଡ଼ି ତୋରମୋର ଦେଖିଲେ ସେ ଥରେ
ଫିକା ପଡିଯାଇ ହେବେ ଲାଜେଇ ।
ନଜର ଲାଗିବ, କି କିଏ ଫସିବ
ବୋଧେ ମୋତେ ଡେଲି ଗାଇଡ଼ କରୁ ତୁ,
ଏଲୋ ଘୁରି ବୁଲୁଥିବେ, ସପନେ ଝୁରିବେ
ମୋପାଇଁ ଲୋ କିଆଁ ଘବରାଉ ତୁ ।
ବଡ଼ ଡର ମୋର ଦେବୀଦିଅଁଙ୍କୁ ଲୋ
ଦଣ୍ଡକୁ ତାଙ୍କର ରହେ ମୁଁ ଡରି,
ଆଫ୍ଟର ମ୍ୟାରେଜ ତୁଲୋ ପ୍ରେମ ମୋର
ମୋ ଲାଗି ଡାଉଟେ ହେବୁନି ଘାରି ।