ତୃଷା

ନାୟିକାର ନାମ ଶ୍ରାବଣୀ ଏଠାରେ 

ନାୟକ ଏଠାରେ ମେଘ ନା ବର୍ଷା 

ନାୟିକା ଖୋଜିଲେ ଫଗୁବନେ ରଙ୍ଗ 

ନାୟକ ଆଖିରେ ଅନେକ ତୃଷା 

ନାୟିକା ପିନ୍ଧିଲେ ପାଦରେ ଘୁଙ୍ଗୁର 

ନାୟକ କରୁନି କାହିଁକି ଇର୍ଷା 

ପଚାରେ ମହ୍ଲାର ବାଦଲକୁ ଥରକୁ ଥର 

ଜୀବନର ନାମ କି ଲୋକହସା 

    କଳଙ୍କିତ ସେଇ ନାୟକ ମଥାରେ 

କଳଙ୍କର ଟୀକା କେତେ ଭରସା 

କଳଙ୍କକୁ ଯିଏ ତିଳକ କରିଛି 

କଳଙ୍କ ସାଜିଛି ଆଜି ଅଭିପ୍ସା 

କଳଙ୍କରୁ ଯଦି କଳା ସୃଷ୍ଟି ହେଲା 

ନାୟକ ନାୟିକା ଆଖି ଝଲସା 

     ନାୟିକା ମଥାରେ କଳଙ୍କର ଟୀକା 

ଜାଗାଏ ନାୟକ ମନରେ ଆଶା 

ନାୟିକା ଆଖିରେ କଳଙ୍କ କଜ୍ଵଳ 

ନାୟକ ମନରେ କେତେ ନିରାଶା 

ନାୟିକା ବେଣୀରେ କଳଙ୍କ ଗଜରା 

ନାୟକ ସ୍ପର୍ଶରେ ମଉଳେ ଦିଶା 

ନାୟକ ନାୟିକା ଗୋଟିଏ ବହିର 

ପ୍ରଥମ ଓ ଶେଷ ପୃଷ୍ଠା ମିଶ୍ରଣରେ 

ଲଲପାନବିବି ଓ କଳାପାନ ବାଦଶା

ହୋଲିର ରଙ୍ଗରେ ରଙ୍ଗିଲା ଦୁହେଁ 

କଳଙ୍କ କାଳିମା ଛାଡି ହୋଲିର ତୃଷା l