ଲାଇବ୍ରେରୀ
ପ୍ରୋଫାଇଲ୍
ତୋ ସ୍ମୃତିର ଅଳିଆ ଗଦାରେ
ତୋ ସ୍ମୃତିର ଅଳିଆ ଗଦାରେ
1 min
230
କେଜାଣି କାହିଁକି ଏମିତି ହୁଏ
ତୋ'କଥା ନିତି ମନେ ପଡୁଥାଏ
ପ୍ରତିଟି ମୂହୁର୍ତ୍ତ ମୋର କଟେ ତୋ'ଭାବନାରେ
ତୋ'ରୂପ ଝଲସେ ମୋର
ଖିଆଲି ସ୍ୱପ୍ନରେ .... ।
ତୁ'ଆସିଥିଲୁ କିରଣଟେ ହୋଇ
ମୋ ପାହାନ୍ତିଆ ସକାଳରେ
କେତେ ରୂପେ ତୋତେ ଆଙ୍କିଦେଇ ଥିଲି
ମୋ ଜୀବନ ପୃଷ୍ଠା ପରେ ......।
ଏବେ କିନ୍ତୁ ତୁ'ସୀମିତ ଅଛୁ
ମୋ କବିତା ପୃଷ୍ଠାରେ
ମୋ ଆଖିର ପ୍ରତି ପଲକରେ
ଆଉ ମୋ ହୃଦୟର ପ୍ରତି ସ୍ପନ୍ଦନରେ ....।
ଦିଗ ହଜା ପକ୍ଷୀଟିଏ ମୁଁ ଆଜି
ଖୋଜେ ତୋତେ ପ୍ରତି-
କୋଣେ ଅନୁକୋଣେ
ତୁ ଯୋଉଠି ବି ଥାଆ....
ମୋ କଥା ଖାଲି ଏତିକି ତୁ'ଜାଣେ ।
ଆଜି କାଲି ହୋଇ ଦିନ ମୋର ବିତେ
ରହି ଖାଲି ତୋ' ଭାବନା ଭିତରେ
କଳ୍ପନାରେ ଆଙ୍କେ ତୋର ଛବି
ପୁଣି ସାରା ସାରା ରାତି
ରଖେ ତୋତେ ଆଖିରେ ଆଖିରେ
ସରିଯାଏ ଦିନ ମୋର
ତୋ' ସ୍ମୃତିର ଅଳିଆ ଗଦାରେ ।
