ତୋ ଛୁଆଁ ନିଆରା

ତୋ ହାଲକା ହାଲକା

ଛିଟାର ବରଷା ଧାରା

ତୁ ଫୁଲକା ଫୁଲକା

ଶବ୍ଦର ଶ୍ରାବଣ ପରା

ତୋ ଝିଲକା ଝିଲକା

ପାଣିରେ ମେଘ ନିଆରା

ତୋ ଝୁମକା ଝୁମୁକା

ପାଦରେ ମୌସୁମୀ ପସରା

ତୁ ଆକାଶରେ ଝୁମି ଝୁମି

ମତୁଆଲି ବରଷ ସାରା

ଶ୍ରାବଣରେ ଖିଲି ଖିଲି

ବରଷା ତୁ ପଧାରୁ ଧରା

ତୋର ମେଘାମ୍ବରୀ ପାଟରେ

ଛଲକା ଛଲକା ଚୁଆ ପସରା

ତୁ ଚୂଲୁବୁଲି ଆସୁ ଝୁଲି ଝୁଲି

ରୋଷଣୀ ଆସରା

ତୁ ଲଘୁଚାପ ଫୁଲି ଫୁଲି

 ମୂଷଳ ବରଷା ଧାରା

ତୁ ଖେଳି ଖେଳିକା ଚଉକା ଛକା

ଦେଉ ଇସାରା

ତୋ ରିମ ଝିମ ଝୁପୁ ଝୁପୁ

ମେଘ ଶବ୍ଦ ମଖମଲ୍ଲୀ ଚେହେରା

ତୁ ବରଷାର ଗଜଲ ମେଘ ତୋ ଗାୟିକା

 ଛମ ଛମ ପ୍ରୀତି ଗଜରା

ତୁ ଫୁଲି ଫୁଲି ଯାଉ ଝୁଲି

ସମୁଦ୍ରରେ ମିଶିବା ସାରା

ତୋ ରଙ୍ଗ ଢଙ୍ଗ ବାଗ ସାଗ

ମେଘର ଘର ବରଷା ପରା

ଫୁଲ ଫୁଲେ ପକ୍ଷୀ ଉଡି ବୁଲେ

କେତକୀ କିଆ ତୋଳିବ ପାରା

ବରଷା ଗାଏ ଓଡିଶୀ ମେଘ ଗାଏ ଚମ୍ପୁ

 ମୌସୁମୀ ପିନ୍ଧି ଘାଗରା ।