ତମକୁ ଦେଖିଲେ ଲାଜ ଲାଗେ
ତମକୁ ଦେଖିଲେ ଲାଜ ଲାଗେ
ତମକୁ ଦେଖିଲେ ଲାଜ ଲାଗେ
ତଳ ମୁହାଁ ପୁଣି କାଇଁ ଆଗେ
ଶୁଖିଲା ଭୁଇଁରେ
କେବେ ଝୁଣ୍ଟି ପଡେ
ଚାହିଁଲା ବାଟକୁ କି କେହି ଜଗେ ।
ତମକୁ ଦେଖିଲେ ଲାଜ ଲାଗେ
ପାହାନ୍ତିଆ ମନେ ପ୍ରୀତି ଜାଗେ
ବୟସ ର ଦୋଷ
ଇଚ୍ଛା ର ଆଭାସ
ଜୀଆଁ ଇବା ଲାଗି ଛୁଆଁ ମାଗେ ।
ତମକୁ ଦେଖିଲେ ଲାଜ ଲାଗେ
ଦୁଃଖ ମୁଁ କହିବି କାହା ଆଗେ
ମନ କଥା ମନେ
ମାରି ମାରିଯାଏ
ଉଆଁସ ରାତିରେ ଦୁଃଖ ଭୋଗେ ।
ତୁମକୁ ଦେଖିଲେ ଲାଜ ଲାଗେ
ଅରୁଆ ଉସୁନା ଭାବ ପାଗେ
ହସ ଭଉଁରୀ ଟେ
ନାଚି ନାଚି ଯାଏ
କଉଁଳିଆ ବାମ ଗଣ୍ଡ ଭାଗେ ।
ତମକୁ ଦେଖିଲେ ଲାଜ ଲାଗେ
ଏକଲା ପଣକୁ ଯୋଡ଼େ ଭାଗ୍ୟେ
ଯୁବା ବୟସରେ
ମିଶାମିଶି ହେଲେ
ଚିତ୍ରିତ ହେବି କଳଙ୍କିତ ଦାଗେ??