ଥରେ ଆସ ଫେରି

ମୟୁର ଚନ୍ଦ୍ରିକା ଖୋଜୁଛି ତୁମକୁ

ଫେରିଆସ ମୋ କହ୍ନାଇ,

ଗୋପପୁର ଲାଗେ ଖାଁ ଖାଁ ଖାଲି

ତୁମ ବାଟ ଅଛି ଚାହିଁ।।

କଦମ୍ବର ମୂଳ ସାକ୍ଷୀତ ଆମର

ଦୁଃଖ ଯନ୍ତ୍ରଣା ଯୋଉ ଲାଗେ,

ଏ ଜୀବନ ଦୁଃଖ ସବୁ ସହି ମୁହିଁ

ରହିଥିବି ତୁମ ସାଙ୍ଗେ।।

ଥରେ ଆସ ଫେରି ଏହି ଗୋପପୁରି

ଦେଖିଯିବ ଥରେ ମୋତେ,

ଏ ଆଖିର ସବୁ ଲୁହ ସାରିଦେଇ

ଚାହିଁଥିବି ତୁମ ପଥେ।।

ବଇଁଶୀର ସ୍ୱର ଶୁଭେନାହିଁ ଆଉ

କାନ୍ଦୁଛି ଏଠି ଯମୁନା,

ବିରହ ନିଆଁରେ ଜଳି ଜଳି ମୁହିଁ

ହୁଏ ନିତି ଆନମନା।।

କେ.ନିର୍ମଳ

ବାସୁଦେବପୁର, ଭଦ୍ରକ