ସୁକୁଟାର ଜେଜେ

ଜେଜେ ବସିଛନ୍ତି ମୁଣ୍ଡକୁ ପାତି

ପାଖରେ ବସିଛି ସୁକୁଟା ନାତି

ଚଷମାଟା ମୋର ଖୋଜିପାଉନାହିଁ

ଖୋଜିଦେ ଟିକିଏ ହଇରେ ଟୋକା

ଚଷମାଟା ତମର ମୁଣ୍ଡରେ ଲାଗିଛି

ପାଉନାହଁ, ତମେ ହୋ ବହୁତ ବୋକା !

ଆମେ କିନ୍ତୁ ପାରୁଛୁ ସବୁ ପଢି

ତମେ ପଢୁଛ ଘଡିକୁ ଶଗଡି

ନାହିଁ ରେ ନାତି ବିନା ଚଷମାରେ

ମୋତେ ଅକ୍ଷର ଦିଶେ ଅଙ୍କା ବଙ୍କା

କହନ୍ତ ଯଦି ତମ ପିଲାବେଳ କଥା

ଶୁଣନ୍ତି ମୁଁ ଟିକେ ନତ କରି ମଥା

ଆମବେଳେ ନଥିଲା ଘର ଖେଳ

ପଡିଆରେ ସବୁ ହେଉଥିଲୁ ମେଳ

ସବୁ ମିଶି ଆମେ ଖେଳୁଥିଲୁ ବାଗୁଡି

ପବନରେ ଉଡାଉଥିଲୁ କେତେ ଗୁଡି

ପାଠ ପଢୁଥିଲୁ ଜଳାଇ ଡିବିରି ବତୀ

ପଢାରେ ସବୁବେଳେ ରହୁଥିଲା ମତି

ନପଢିଲେ ଅବଧାନେ ଦେଉଥିଲେ ମାଡ

ହଉ ବା ଖରାଦିନ ହଉ ଅବା ବେଶି ଜାଡ

ନଥିଲା ଏତେ ଶୀତ ଅଥବା ଗରମ

ଜଳବାୟୁ ପରିବର୍ତ୍ତନ ଭେଦିଛି ମରମ

ହଉ ନାତି ଆଜି ପାଇଁ କଥାଥାଉ ଏତିକି ।