ସୁ ସମ୍ବାଦ

ଛାତ୍ର : କି ସୁସମ୍ବାଦ ଆଣିଅଛୁ

        ଯାଉଅଛୁ ତୁ  କେଉଆଡେ,

କେଉଁ ରାଇଜରେ ତୋ ଘର

      ଯାଉଛୁ  କିଆଁ  ଆମ ବାଡେ l

ଚାକର : ବର୍ଷା ଆସୁଛି, ସୁ ସମ୍ବାଦ

       କହିବାକୁ ମୁଁ ଆସିଅଛି,

ମାଟିରେ ଘର ସେ ମୋ ରାଜ୍ୟ

      ତୁମ କାନ୍ଥେ ରହି କହୁଛି l

ଛାତ୍ର : କିଏ ତୋ ରାଜା, କା ଚାକର

        କିଏ ତୋତେରେ ପଠାଇଛି,

ଆମ କାନ୍ଥ ଉପରେ  ଚଢି

        କହିବାକୁ  କିଏ କହିଛି  l

ଚାକର : ମୋର ରାଜା ବରଷା ଋତୁ

        ତାହାର ଅଟେ ମୁଁ ଚାକର,

ସେ ପଠାଇ ବଳ ଦେଇଛି

        କହିବାକୁ ଏହି ଖବର  l

ଛାତ୍ର : କ୍ଷମା କର , ହାତ ଯୋଡୁଛି

       ମୋର ଭୁଲ ହୋଇଯାଇଛି,

ନ ଜାଣି ମୁହିଁ କେତେ କଥା

       ଏହିପରି କହି ଦେଇଛି l

ଚାକର : ତୋର କିଛି ଭୁଲ ହୋଇନି

      ଜୋଇଛି ସବୁ ତୋର ଠିକ,

   ନ ପଚାରିଲେ କେମିତି ତୁ

       ହେବୁ ପ୍ରକୃତରେ ଚାଲାକ l

ଛାତ୍ର : ଧାନ୍ୟରେ ଚାକର ତୋ କାର୍ଯ୍ୟ

          ଧନ୍ୟ  ତେଲୁଣିଆ ପୋକ,

     ଖାଇବୁ ଆ ଆମ ଘରକୁ

         ଲାଗୁଥିବ ଭାରି ଭୋକ l

ଚାକର : ଆଜିକାଲି ସଂସାରେ ଖାଇବା

        ନୁହଁଇ  କେବେ  ବଡ  କଥା,

     ଯାଉଛି ବାପ, ଡେରି ହେଲାଣି

        କାଟି ଦେବେ ରାଜା ମୋ ମଥା l

ଛାତ୍ର : ଛୋଟ ପୋକକୁ ଘୃଣା କରନି

          ସେ ଅଟେ ଆମ ପରି ଜୀବ,

     ତା ପାଖେ ଯେଉଁ ଜ୍ଞାନ ଥାଏ

         ଆମ  ପାଖେ  ତାହା  ନଥିବ l