ସୁ ସ୍ବାଗତଂ

ଛଅ ଜଣ ରାଜାଙ୍କର ବାର ଗୋଟି ରାଣୀ,

ଶାସନ କରନ୍ତି ରାଜା ଦୁଇ ମାସ ଗଣି l

ପ୍ରଥମ ରାଜାଙ୍କ ନାମ ଅଟଇ ଗ୍ରୀଷମ,

ପ୍ରଚଣ୍ଡ ପ୍ରତାପୀ ଆଉ  କରନ୍ତି  ଭାଷମ l

ରାଣୀଙ୍କର ନାମ ଅଟେ ବୈଶାଖ ଓ ଜ୍ୟୋଷ୍ଠ,

ପ୍ରଜାଙ୍କ ଦୁଃଖ ନ ବୁଝି  ଦେଇଥାନ୍ତି କଷ୍ଟ l

ପ୍ରଜାମାନେ ଏହି ରାଜାଙ୍କୁ ବେଶୀ ଡରିଥାନ୍ତି,

କେବେ ଯିବେ ବୋଲି ସଦା ମନେ ସୁମରନ୍ତି l

ଦୁଇ ମାସ ପରେ ରାଜା ବିଦାୟ ନିଅନ୍ତି

ରାଜା ଯିବା କଥା ଶୁଣି  ସମସ୍ତେ ହସନ୍ତି l

ତାପରେ ଧରା ରାଜ୍ୟକୁ ଆସନ୍ତି ବର୍ଷା ରାଜା,

ସ୍ୱାଗତ ସଂଗୀତ ବୋଲି ନାଚନ୍ତି  ପରଜା l

ସିଂହାସନେ ବସି ଦେଖନ୍ତି  ପ୍ରଜାଙ୍କ ହିତ,

ଆଷାଢ଼ ଓ ଶ୍ରାବଣ  ରାଣୀ  ଗାଇଥାନ୍ତି ଗୀତ l

ମହାରାଜା ବର୍ଷା କି ସଭିଏଁ  କହନ୍ତି ଜୟ

କିଛି ଦିନ ଅନ୍ତେ ରାଜା ନିଅନ୍ତି  ବିଦାୟ l

ଦୁଇ ମାସ ପରେ ଆସିଥାନ୍ତି  ଛାମୁ  ଶରତ,

ସବୁ ନୃପତିଙ୍କ  ଠାରୁ  ସୁନ୍ଦର ବହୁତ  l

ରାଣୀଙ୍କର ରୂପ ଦିଶେ  ଅତି ମନୋରମ,

ଭାଦ୍ରବ  ଓ ଆଶ୍ୱିନ ଦୁଇ ରାଣୀଙ୍କ ନାମ l

ପ୍ରଜାଙ୍କୁ ସୁଖରେ ପାଳି  ନିଅନ୍ତି ବିଦାୟ,

ପ୍ରଜାଙ୍କ ଖୁସିରେ ପ୍ରକୃତି ଦିଶେ କମନୀୟ l

ତାପରେ ହେମନ୍ତ ରାଜା ଆସନ୍ତି ଧରାକୁ,

ସାଥିରେ ଧରି ଆସନ୍ତି ଦୁଇ ମହାରାଣୀଙ୍କୁ l

କାର୍ତ୍ତିକ ଓ ମାର୍ଗଶିର ଦୁଇ ରାଣୀଙ୍କ ନାମ,

ପଣତ କାନିରେ ଧରି ଆସିଥାନ୍ତି ହିମ l

ହେମନ୍ତଙ୍କ ପରେ ପରେ ଶୀତ ରାଜା ଆସି,

ଭୟେ ଥରାଇ ଦିଅନ୍ତି ପରଜାଙ୍କୁ  ବେଶୀ l

ପଉଷ ଓ ମାଘ ରାଣୀ  ରାଜନଙ୍କୁ ଭିଡି,

ଧରାରେ ଦିଅନ୍ତି ଆଣି ଦୁଇ ରାଣୀ ଛାଡି l

ଶୀତରେ ଥରି ଥରି ପ୍ରଜା ଦିନକୁ କାଟନ୍ତି,

କମ୍ବଳ ଢାଙ୍କି ନିଆଁ ଜଳାଇ ସେକି ହୁଅନ୍ତି l

ଶୀତର ପ୍ରକୋପରେ ସଭିଏଁ  ଥରି ଉଠନ୍ତି,

କେବେ ଯିବେ ବୋଲି ପ୍ରଜା ଦିନ ଯେ ଗଣନ୍ତି l

ଏହାପରେ ଆସିଥାନ୍ତି ଋତୁରାଜ ବସନ୍ତ,

ରାଜାଙ୍କ ମଧ୍ୟରେ ରାଜା ଓ ସୁନ୍ଦର ଅତ୍ୟନ୍ତ l

ଫାଲଗୁନ ଓ ଚୈତ୍ର ଦୁଇ ରାଣୀ ଆସନ୍ତି,

ଜଣେ ଅଧା ଗରମ ଓ ଶୀତକୁ ଆଣନ୍ତି l

ଦୁଇ ରାଣୀ ଭାରି ଫୁଟାଣି ଦେଖାନ୍ତି ସଭିଙ୍କୁ,

ରାଣୀ ମଧ୍ୟେ ଶ୍ରେଷ୍ଠ ହେବାରୁ ସଜାନ୍ତି ନିଜକୁ l

ଦୁଇ ମାସ ଗଣି ଗଣି ଜଣେ ଜଣେ ରାଜା,

ଖୁସିରେ ଧରାକୁ ଆସି ପାଳନ୍ତି ପରଜା l

ପ୍ରକୃତିର ଏହି ସବୁ ଚକା ଭଉଁରୀ ଖେଳ,

ଜଣେ  ଖେଳିଲା  ପରେ  ଅନ୍ୟର  ହୁଏ ବେଳ l