ଷୋଳବୟସୀକୁ ଫଗୁଣ ଲାଗୁଛି ଲାଜ

ପଳାସ ପନ୍ଧିଛି ରକ୍ତ ରଙ୍ଗ ପାଟ

ମହୁଲ ବୁକୁରେ ଅବିର ହୋଇଛି ସିଞ୍ଚା

ହସୁଛି ଫଗୁଣ ସିମିଳି ଦେହରେ

  ବୋଳିଦେଇ ସତେ ନାଲିଆ ସିନ୍ଦୂର ମେଞ୍ଚା

ସେବତୀ ସୁନ୍ଦରୀ ସଞ୍ଜ ନଉଁନଉଁ

ମହକ ମାଖୁଛି ସତେ

ମାଳତୀ କୁଞ୍ଜରେ ପ୍ରେମର କାହାଣୀ

ଲେଖା ହେଉଅଛି କେତେ

ଫଗୁଣ ଦୋଳିରେ ଝୁଲିଝୁଲି ସେଇ

 ପିରତି ପାଗଳ  ସପନେ ବାନ୍ଧନ୍ତି ମଞ୍ଚା 

  ମହୁଲ ବୁକୁରେ ଅବିର ହୋଇଛି ସିଞ୍ଚା...

ଆମ୍ବ ବଉଳର ବାସ ଚହଟଇ

ଫଗୁଣ ଆସିବା ଜାଣି

ଚୋରା ମଳୟରେ ମଲ୍ଲିର ମହକ

ମନ ନେଉଅଛି କିଣି

ଷୋଳବୟସୀକୁ ଫଗୁଣ ପରଷ

ଲାଜ ଲାଜ ଲାଗେ ବୟସଟା ଯେଣୁ କଞ୍ଚା

 ମହୁଲ ବୁକୁରେ ଅବିର ହୋଇଛି ସିଞ୍ଚା..