ଷାଠିଏ ପଉଟି ଭୋଗ

ଷାଠିଏ ପଉଟି ଭୋଗ ଖାଉ ନିତି ପ୍ରତି,

କାଞ୍ଜି ଖୁଦ ଭାତରେ ମୋ ଦିନ ଯାଏ ବିତି ।

ନିତି ହୁଏ ତୋ ପାଇଁ ଛେରାପହରା,

ମୋତେ ଘୃଣା କରେ ଏ ଜଗତ ସାରା ।

ତଥାପି ପଡିଛି ବଡଦାଣ୍ଡେ ତୋର,

ତୋ ସିଂହଦୁଆରେ କାନି ପାତେ ନିତି, ।

ଷାଠିଏ ପଉଟି ଭୋଗ ।।

ତୋ ଭାଗ୍ୟରେ ରାଜସୁଖ

ଅଛୁତୁହି ସୁଖରେ,

କାହିଁ ମୋର ସେଇ ଭାଗ୍ୟ

ମରୁଛି ମୁଁ ଦୁଃଖରେ ।

ରତନ ପଲଙ୍କ ତୋର

ସିଂହାସନ ରତ୍ନର,

ରହିବାକୁ ନାହିଁ ମୋର

ଝାଟିମାଟି କୁଟିର ।

ଷାଠିଏ ପଉଟି ଭୋଗ ତୋର ନିତି ପ୍ରତି ,

ମୋ ଭାଗ୍ୟରେ ଲେଖା ଉପବାସ ହୁଏନିତି ।

ଷାଠିଏ ପଉଟି ଭୋଗ ।।

ମୁଁ କେମିତି ବଞ୍ଚିଅଛି

ତୁ କେମିତି ବୁଝିବୁ,

ଗମ୍ଭିରା ଭିତରେ ଅଛୁ

କିସ ଦେଖିପାରିବୁ ।

ତୋତେ ଆଶା କରି ମୋର

ଦିନ ସରି ଗଲାଣି,

ଏଇ ଦୁନିଆରୁ ମୋତେ

ଦେଇଦେରେ ମେଲାଣି ।

ସହପାରୁନାହିଁ ଦୁଃଖ ସହିବି କେମିତି,

ଶରଣ ତୋ ପାଦ ତଳେ କରିଦେ ମୁକତି ।

ଷାଠିଏ ପଉଟି ଭୋଗ ।।