ସରିଲାଣି ବେଳ

ସରିଲାଣି ବେଳ  ଯିବୁ ତୁ ବାହୁଡି 

     କାହିଁକି ଚାହୁଁଛୁ ଫେରି 

ବେଳୁ ସାବଧାନ  ନ ହେଲେ ମନୁଆ 

     ହୋଇଯିବ ସବୁ ଡେରି ll

ମୋର ମୋର ବୋଲି  ବାଳୁତ କାଳରୁ 

    ଜପୁ ଅଛୁ ଗଣ୍ଠି କରି 

କାମିନୀ କାଞ୍ଚନ  ଧନଲୋଭେ ଛନ୍ଦି 

   ଯୌବନ ଦେଲୁ ତୁ ସାରି ll

ପୁତ୍ର ସନ୍ତାନକୁ  ଧନ ବୋଲି ମଣି

    ଲାଳନପାଳନ କଲୁ 

ବାର୍ଦ୍ଧକ୍ଯରେ ସାହ

Advertisement

ା ହେବ ବୋଲି ଜାଣି 

     ସଂସାରୀ ତୁ ହୋଇଗଲୁ ll

କରିଥିଲୁ ଯାହା  ବିପରୀତ ହେଲା 

     ପୁଅ ଝିଅ କଲେ ଦୂର 

ଧର୍ମପତ୍ନୀ ବୋଲି  ଧରିଥିଲୁ ହାତ 

    ସେ ହେଲା ବଇରୀ ତୋର ll

ଦାନ,ଧର୍ମ, ପୂଜା  କରିନାହୁଁ ଦିନେ 

    ଭଜିନୁ ଗୋବିନ୍ଦ ହରି 

ପାରି ହେବୁ ଯଦି ଏ ମାୟା ସଂସାର 

    ନିତି ଜପ କୃଷ୍ଣ ହରି ll