ସନ୍ତାନ

ଦାମ୍ପତ୍ୟ ଜୀବନ ପୁଣ୍ୟରେ ସନ୍ତାନ

ମଧୁର ବାତ୍ସଲ୍ୟ ପ୍ରେମ

ସନ୍ତାନ ମଙ୍ଗଳ କର୍ମେ ସବୁ ବେଳ

ପିତାମାତାଙ୍କର କାମ୍ୟ ll

ଭଲ ପରିବେଶ ସୁନ୍ଦର ଭବିଷ୍ୟ

ପ୍ରଗତିରେ ରଖି ଆଶା

ତାର ପିତାମାତା ଚେଷ୍ଠିତ ସର୍ବଦା

ସନ୍ତାନ କରେ ଭରସା ll

ସଦ୍ୟଜାତ ଶିଶୁ ମାତା କୋଳେ ଶିଶୁ 

ନିର୍ଭୟ ବିଶ୍ୱାସ ଭରେ

ପରେ ପରିବାର ରକ୍ତ ସମ୍ପର୍କର

ପରିଚିତ ସମାଜରେ ll

 ବାପା ମାତା ମୋର  ସବୁ ମୋର ମୋର

ସ୍ନେହରେ ଶ୍ରଦ୍ଧାରେ ଧରେ

ଦୃଷ୍ଟି ଆତ୍ମୀୟତା ଦେହ ନିରୀହତା

କୋମଳତା ହୃଦୟରେ ll

ବାଲ୍ୟ ବୟସରେ ଦୟା ମମତାରେ

ସମୟ କଟଇ ତାର

କିଶୋରର ବେଳ ସାଙ୍ଗ ସାଥି ମେଳ

ଶିକ୍ଷା ଦୀକ୍ଷା ଆନନ୍ଦର ll

କୁସଙ୍ଗ ସୁ ସଙ୍ଗ ଆକର୍ଷେ ତା ସାଙ୍ଗ

ନିଜ ହସ୍ତେ କର୍ମଫଳ

ଭଲ ଉପଦେଶ ଲାଗେନା ବିଶ୍ୱାସ

ବିଶ୍ୱାସେ ମିଳେ ସୁଫଳ ll

ପ୍ରେମ ପ୍ରତାରଣା ବାଟ କରେ ବଣା

ପିତାମାତା ହତାଦର

ପିତା ମାତା ମୋର ନୁହେଁ ଦରକାର

ସନ୍ତାନ କରେ ବିଚାର ll

ଜପ ତପ ଯେତେ ଦୁଃଖ କଷ୍ଟ ସେତେ

ସୁଯୋଗ୍ୟ ସନ୍ତାନ ଜାଣେ

ଅଯୋଗ୍ୟତା ପଣ ପିତା ମାତା ଘୃଣ୍ୟ

ଅସହିଷ୍ଣୁତା ତା ମନେ ll

କୁମାର ଶ୍ରବଣ ଆଦର୍ଶ ସନ୍ତାନ

କରେ ଆଜି ସଚେତନ

ପୁରାଣର ଜ୍ଞାନ ନାହିଁ ଆଉ ଧ୍ୟାନ

ବିଦେଶ କରେ ଗମନ ll

ସଂସ୍କୃତି ଆମର ନୁହେଁ ଯେ ସ୍ୱୀକାର

ପରିବାର ସ୍ୱର୍ଗପୁର

ସନ୍ତାନ ଦୁଃଖରେ ଅସହାୟତାରେ

ଦିନ କାଟେ ପିତା ତାର ll

ଆମ ପିତାମାତା ଚଳନ୍ତି ଦେବତା

ଅନୁଚିନ୍ତା ସନ୍ତାନର 

କର୍ତ୍ତବ୍ୟ ସନ୍ତାନ ଭୁଲି ଅଭିମାନ

ପିତାମାତା ସେବା କର ll